Zaniatki buduć prachodzić u Minsku ad pačatku listapada da maja dva razy na miesiac, najchutčej u subotu. U prahramie — praktyčnyja zaniatki, lekcyi i majstar-kłasy. Naviednikam z rehijonaŭ — spryjańnie z dajezdam. Navučańnie ŭ Škole biaspłatnaje, hrupa — 15-20 čałaviek, vykładańnie budzie vieścisia pa-biełarusku.
Škoła dziejničaje jak niefarmalny adukacyjny prajekt, siertyfikat ab jaje zakančeńni nie zamianiaje dypłoma aficyjnych navučalnych ustanoŭ.
Teoryju litaratury, čytańnie zamiežnaj i biełaruskaj litaratury budzie vykładać dacent kafiedry zamiežnaj litaratury fiłfaka BDU Hanna Butyrčyk. Praktyčnyja zaniatki pa prozie ŭ Škole buduć vieści piśmieńnicy Natałka Babina i Ludmiła Rubleŭskaja.
Umovy dla kandydataŭ:
Uzrost — da 25 hadoŭ.
Dla padačy zajaŭki kandydatu na zaličeńnie ŭ Škołu nieabchodna dasłać svoj ułasny prazaičny mastacki tekst luboha žanru abjomam 2-5 staronak, a taksama matyvacyjny list z adkazam na pytańnie, čamu vy chočacie vučycca ŭ piśmieńnickaj škole.
Afarmleńnie zajaŭki:
Zajaŭki prymajucca pa elektronnaj pošcie da 26 kastryčnika pa adrasie [email protected].
Temu lista treba paznačyć jak «Škoła».
Prozu i matyvacyjny list, pišuć arhanizatary, treba dasyłać razam u adnym fajle Word farmata.doc. Na pieršaj staroncy kandydat musić paznačyć svajo imia i proźvišča, poŭny paštovy adras, datu naradžeńnia, e-mail i kantaktny numar telefona.
Pry paśpiachovym zaličeńni ŭ Škołu kandydatam budzie paviedamlena pra heta da pačatku zaniatkaŭ pa kantaktach, jakija Vy pakinuli. Zajaŭki nie recenzujucca.
Palitviazień pravioŭ paŭtara hoda ŭ SIZA — voś jak jon vyhladaŭ paśla hetaha10
Kamientary