U rejtynhu svabody ŚMI krain Uschodniaha partniorstva (UP) Biełaruś pa-raniejšamu zajmaje apošniaje, šostaje, miesca. Takija źviestki čarhovaha Indeksa svabody miedyja Uschodniaha partniorstva, padrychtavanaha ŭ miežach prajekta «Manitorynh svabody miedyja krain UP».

Pa vynikach pieršaha paŭhodździa 2014 hoda pieršaje miesca zajmaje Hruzija, druhoje — Małdova, treciaje — Ukraina, čaćviortaje — Armienija, piataje — Azierbajdžan.

Varta zaznačyć, što ŭ papiarednim Indeksie svabody miedyja krain UP, jaki byŭ pradstaŭleny hetaj viasnoj, treciaje miesca zajmała Armienija, a čaćviortaje — Ukraina.

Indeks svabody miedyja UP rychtujecca ŭ miežach realizacyi prajekta «Manitorynh svabody miedyja krain Uschodniaha partniorstva», jaki realizujecca pry padtrymcy Jeŭrapiejskaha sajuza. U acency situacyi sa ŚMI ŭ krainach UP biaruć udzieł pa 10 ekśpiertaŭ ad kožnaj krainy UP ź liku miascovych žurnalistaŭ, pravaabaroncaŭ, jurystaŭ, sacyjołahaŭ, hramadskich dziejačaŭ, jakija majuć nie mienš jak piać hadoŭ vopytu pracy ŭ svajoj śfiery i padtrymlivajuć ciesnyja prafiesijnyja suviazi ź miedyjaśfieraj.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?