Jakabson: Uzrovień vypusknikoŭ VNU nie adpaviadaje aktualnym patrabavańniam ekanomiki
Uzrovień vypusknikoŭ biełaruskich VNU nie adpaviadaje aktualnym patrabavańniam ekanomiki, zajaviŭ siońnia na sustrečy sa studentami Akademii kiravańnia pry prezidencie Biełarusi pamočnik Łukašenki — hałoŭny inśpiektar pa horadzie Minsku Alaksandr Jakabson.
«Kali vypuskniki humanitarnaj VNU na adnoj staroncy robiać try pamyłki, ja liču, heta niejki nonsens. Na moj pohlad, uzrovień vypusknikoŭ nie adpaviadaje patrabavańniam ekanomiki», — skazaŭ Alaksandr Jakabson. Pavodle jaho słoŭ, maładyja ludzi, kab razumieć usie pracesy, što adbyvajucca, dabirajuć viedy ŭžo na praktycy, kali prychodziać na rabotu.
Pry pastupleńni studentaŭ u vyšejšyja navučalnyja ŭstanovy znojdziena biezdakornaja sistema abarony: u VNU pastupajuć tolki pa viedach, — a voś jakaść vypusknikoŭ, na žal, u cełym stanovicca horšaj, kanstatavaŭ Alaksandr Jakabson. «Ja tak baču hetu situacyju, sustrakajučysia z maładymi ludźmi i techničnych, i humanitarnych VNU, choć mahu i pamylacca», — adznačyŭ jon.
Sustreča studentaŭ z Alaksandram Jakabsonam adbyłasia siońnia ŭ ramkach prajekta BRSM «Adkryty dyjałoh «Moładź Biełarusi: tradycyi i budučynia». Pytańni studentaŭ mieli surjozny charaktar. Ich cikaviła ekanomika, dziaržaŭnaje kiravańnie, adnosiny ŭ pracoŭnych kalektyvach, ideałohija.
Łukašenka pra punkty propusku na miažy z Polščaj: Dy chaj choć apošni zakryjuć31
Kamientary