U Minpracy nie viedajuć, kali nastupnym razam buduć pavyšanyja piensii
Terminy i paramietry čarhovaha pieraraźliku piensij u Biełarusi pakul nie vyznačany.
Ab hetym paviedamiła na pres-kanfierencyi namieśnik načalnika hałoŭnaha ŭpraŭleńnia piensijnaha zabieśpiačeńnia Ministerstva pracy i sacyjalnaj abarony Łarysa Jaškova.
Zhodna z zakanadaŭstvam, piensii pavyšajucca pa dvuch padstavach: u suviazi z pavieličeńniem biudžetu pražytačnaha minimumu ŭ siarednim na dušu nasielnictva i rostam siaredniaj zarabotnaj płaty.
U suviazi z pavieličeńniem biudžetu pražytačnaha minimumu pieraraźličvajucca minimalnyja pracoŭnyja piensii i sacyjalnyja piensii, a taksama nadbaŭki, pavyšeńni i dapłaty da piensij. Jak praviła, taki pieraraźlik pravodzicca štokvartalna (u biahučym hodzie zroblena try pieraraźliki - z 1 lutaha, 1 maja i 1 žniŭnia).
Pieraraźlik piensij u suviazi z rostam siaredniaj zarabotnaj płaty ažyćciaŭlajecca z ulikam rostu siaredniaj zarabotnaj płaty i finansavych mahčymaściej dziaržavy.
Sioleta takija pieraraźliki byli zrobleny z 1 lutaha i 1 žniŭnia. U siarednim piensija pa ŭzroście vyrasła na 13,4%.
Rašeńnie ab čarhovym pieraraźliku piensij budzie prymacca z ulikam troch faktaraŭ - rost siaredniaj zarabotnaj płaty, źmianieńnie vieličyni BPM i finansavy stan dziaržaŭnaha pazabiudžetnaha fondu sacyjalnaj abarony nasielnictva, padkreśliła Łarysa Jaškova.
U Biełarusi raschody na vypłatu piensij składajuć kala 10% VUP - bolš za Br6,5 trłn štomiesiac.
Piensii atrymlivaje amal tracina nasielnictva Biełarusi — zvyš 2,7 młn čałaviek.
Kavid zabraŭ u Biełarusi 90 tysiač žyćciaŭ, a nie 7 tysiač, jak śćviardžali ŭłady20
Kamientary