Pajšoŭ z žyćcia viadomy śpiavak Jaak Joała. Jamu było 64 hady.

Jon naradziŭsia 26 červienia 1950 hoda ŭ muzyčnaj siamji i ź dziacinstva navučaŭsia ihry na fartepijana i flejcie. Joała byŭ vymušany pakinuć vučobu ŭ Talinskim muzyčnym vučyliščy, bo admoviŭsia pakinuć vykanańnie rok-muzyki.

Byŭ salistam ansamblaŭ «Lainer» i «Radar».

Napiaredadni novaha 1979 hoda na savieckim telebačańni prajšła premjera muzyčnaha telefilma «Červień 31», u jakim prahučała niekalki piesień u vykanańni Jaaka Joały. Z hetaha času da śpievaka pryjšła vielizarnaja papularnaść.

Jon virtuozna vałodaŭ roznymi muzyčnymi instrumientami i časam sam vykonvaŭ instrumientalnyja partyi na zapisach ułasnych piesień — zachavalisia zapisy jaho vykanańnia na fartepijana, flejcie, hitary, udarnych.

Paśla sychodu sa sceny vykładaŭ ihru na hitary ŭ Talinskim muzyčnym vučyliščy.

U 2000 hodzie byŭ adnym z zasnavalnikaŭ Estonskaha sajuza vykanaŭcaŭ — arhanizacyi, jakaja abaraniaje aŭtarskija pravy estonskich muzykaŭ. Niekalki hadoŭ uznačalvaŭ Sajuz vykanaŭcaŭ. Zajmaŭsia pradziusavańniem maładych śpievakoŭ, vykładaŭ vakał.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?