Śviet88

Parašenka: Zusim inakš ŭsprymaješ vajnu, kali tam słužyć tvoj syn VIDEA

Vyjhrać vajnu ŭ Daniecku i Łuhansku vyklučna vajennymi mietadami niemahčyma, zajaviŭ siońnia prezident Ukrainy Piatro Parašenka u intervju žurnalistam ukrainskich telekanałaŭ.

«Padkreślivaju — vajnu ŭ horadzie Danieck, u horadzie Łuhansk vyjhrać vyklučna vajennymi mietadami niemahčyma. Kamuści zdajecca, što my zaraz źbiarem 3-4 bataljony, ŭvojdziem, skancentrujem braniavy kułak, nakryjem artyleryjskaj padtrymkaj, pašlem napierad śpiecnaz, likvidujem abo ŭzarviom orhany kiravańnia, i nam usio chutka ŭdasca — niapraŭda. Nam hetaha nie daduć zrabić. Čym bolš tam budzie bataljonaŭ taktyčnych hrup abo bryhad ŭkrainskaj armii, tym bolš tam budzie vojskaŭ RF», — rastłumačyŭ Parašenka, padkreśliŭšy, što Rasija vydatkavała miljardy dalaraŭ na stvareńnie niehatyŭnaha imidžu Ukrainy.

«Ja, biezumoŭna, adstojvaju vyraznuju pazicyju miru. Ja ŭsio zrablu dla taho, kab u krainie byŭ mir. I hetyja zakony (pa Danbasu, pryniaty Radaj 16 vieraśnia) nakiravany na realizacyju mirnaha płana, jaki byŭ zadekłaravany raniej.

U nas ciapier idzie deeskałacyja, chto b što ni kazaŭ», — skazaŭ Piatro Parašenka.

«Na 65% vajennaja technika ŭ častkach, jakija stajali na pieršych rubiažach, była źniščanaja, i nie było čym abaraniacca, ciapier užo jość».

Jon padkreśliŭ, što ad sajuźnikaŭ Ukraina «nie atrymała kulamioty, tamu što ŭ nas jość kulamioty,

jość tanki, sistemy załpavaha ahniu, rakiety, artyleryja i ŭsio astatniaje, što dazvalaje siońnia nam trymać front takoj daŭžyni».

«Ale my pavinny atrymać i atrymali ŭsio, što nieabchodna — vyviedvalnaje, radarnaje, naziralnaje i inšaje abaronnaje abstalavańnie, — i nie tolki ad ZŠA —

jakoje nam dazvolić u dziasiatki razoŭ pavysić efiektyŭnaść našaj zbroi, madernizavać jaje», — padkreśliŭ Parašenka.

«My za hetyja dva z pałovaj tydni narešcie atrymali mahčymaść advieści tyja častki, jakija stajali tam dastatkova doŭha, dla ratacyi i adnaŭleńnia bajazdolnaści.

U adnoj z hetych častak słužyŭ moj syn. Zusim inakš ŭsprymaješ vajnu, kali tam słužyć tvoj syn. Inakš razumieješ canu miru, niebiaśpieki i pryniatych rašeńniaŭ», — pryznaŭsia Parašenka.

Raniej u ŚMI była tolki niepravieranaja infarmacyja pra toje, što syn Parašenki vajuje ŭ zonie ATA pad čužym proźviščam.

Parašenka taksama paviedamiŭ, što niekatoryja rajony Danbasa z asablivym statusam buduć pa pierymietry kantralavacca ŭkrainskimi pahraničnikami, kab abaranić astatniuju Ukrainu, inšyja terytoryi ad raspaŭsiudžvańnia kanfliktu.

Narešcie, Parašenka zajaviŭ, što terytoryja, padkantrolnaja ukrainskim vajskoŭcam, pavialičyłasia ŭ paraŭnańni z toj, jakaja była pa stanie na 5 vierasień 2014 (dzień padpisańnia Minskaha pratakoła).

«Kali vy pahladzicie na liniju sudakranańnia, jakaja pavinna być apublikavanaja praz adpaviednaje pradstaŭleńnie ŭ Viarchoŭnaj Radzie, vy ŭbačycie, što linija sudakranańnia značnym čynam pierasunułasia, i ŭkrainskija vojski zojmuć pazicyi, jakija byli stračanyja ŭ kancy žniŭnia, uzdoŭž raki Kalmius», — zapeŭniŭ Parašenka.

Kamientary8

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?

Usie naviny →
Usie naviny

U Kałužskaj vobłaści paciarpieŭ krušeńnie viertalot Mi-28, ekipaž zahinuŭ2

Samaje poźniaje rašeńnie VAR u historyi. Hoł Arhienciny na Alimpijadzie admianili tolki praź dźvie hadziny2

Chto toj chłopiec, jaki padarvaŭ rasijskaha aficera ŭ Maskvie i byŭ aryštavany ŭ Turcyi6

Džo Bajden: Ja pieradaju estafietu novamu pakaleńniu

«Raptam nie pryjšoŭ na pracu, a praz paru dzion jaho zatrymali». Novyja padrabiaznaści pra niemca, prysudžanaha da rasstrełu ŭ Biełarusi1

U Dobrušskim rajonie aśviacili chleŭ z karovami FOTAFAKT7

Biełarus nakarmiŭ vuža rybaj i źniaŭ praces na VIDEA1

U Lachavickim rajonie mužčyna chacieŭ spalić susiedski chleŭ, dy pamyliŭsia budynkam1

U Italii zatrymali biełarusa, abjaŭlenaha ŭ vyšuk na radzimie4

bolš čytanych navin
bolš łajkanych navin

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?

Hałoŭnaje
Usie naviny →