Katajučysia na rovarach, 25-hadovy chłopiec ź siabroŭkaj pryjechali na śvietłahorskuju nabiarežnuju. Tut maładyja ludzi stali śviedkami skandalnaha zdareńnia. Siarod biełaha dnia pjanaja z vyhladu paračka zajmałasia seksam prosta za scenaj, raźmieščanaj na nabiarežnaj. Jak piša hazieta «Ranak», paračku nie biantežyli ni zacikaŭlenyja hledačy-padletki na scenie, ni vypadkovyja minaki. 

Chłopiec-ravaryst źniaŭ usio na videa. I ŭviečary 9 žniŭnia jon raźmiaściŭ videarolik na svajoj staroncy ŭ sacyjalnaj sietcy «Vkontaktie». Nieŭzabavie «hierojaŭ» śvietłahorskaha porna pabačyli karystalniki internetu ŭ niekalkich śvietłahorskich hrupach. 

Adnak užo na nastupny dzień pravaachoŭniki pačali na aŭtara videa kryminalnuju spravu — za vyrab i raspaŭsiud parnahrafičnych materyjałaŭ z vykarystańniem hłabalnaj kampjutarnaj sietki. Druhaja častka artykuła praduhledžvaje pazbaŭleńnie voli na termin ad dvuch da čatyroch hadoŭ. 

Małady čałaviek rastłumačyŭ śledčamu, što svaim videa chacieŭ pakazać, jak dehradujuć ludzi pad uździejańniem ałkaholu. Pra toje, što jaho dziejańni nosiać niezakonny charaktar, chłopiec nie viedaŭ. Praŭda, ad adkaznaści heta jaho nie vyzvalaje. 

Клас
0
Панылы сорам
0
Ха-ха
0
Ого
0
Сумна
0
Абуральна
0