Ofis «Zabudovy» i pabudavanyja joj damy ŭ pasiołku Čyść (Maładziečanskaha rajona).

Ofis «Zabudovy» i pabudavanyja joj damy ŭ pasiołku Čyść (Maładziečanskaha rajona).

Pradpryjemstva ŭ kryzisie praz kredyty: daŭhi maje jak jano pierad bankami, tak i zakazčyki pierad «Zabudovaj». Kiraŭnictva spadziajecca, što vyjści z zamknionaha koła dapamoža dziaržava.

Pra svaju niezadavolenaść rabočyja «Zabudovy» napisali redakcyi «Rehijanalnaj haziety» jašče letaś u listapadzie. Ich najbolš niepakoiła, što zarobki vypłačvajuć niasvoječasova i nie całkam, a taksama, što ŭ rabočych niama poŭnaj zahružanaści.

Kiraŭnictva AAT «Kirujučaja kampanija chołdynhu «Zabudova» adkazała na heta, što zarobak vypłacili, ale častkami. Zatrymku patłumačyli siezonnym padzieńniem popytu i zapazyčanaściu.

Praź niekalki miesiacaŭ rabočyja «Zabudovy» znoŭ źviarnulisia ŭ redakcyju, nie majučy, na ichniuju dumku, inšaha sposabu źviarnuć na siabie ŭvahu.

Drukujem vytrymki ź ich lista:

«Narod biažyć z usich pradpryjemstvaŭ chołdynhu, jak pacuki z karabla, što tonie. Usio z-za taho, što zarobak płaciać častkami, admianili avansy. Načalstva nie tłumačyć rabočym i nie adkazvaje, kali vypłaciać usiu zarpłatu. Padymali zarobak apošni raz bolš jak hod tamu. Sioleta padniali tolki adzinkam. Jak usim damahčysia, kab padniali zarobak?

Rabota jość čas ad času. Kali jaje niama, vysokakvalifikavanyja rabotniki padmiatajuć cech, farbujuć aharodžu. My prosim, kab ludziej zahružali, pavysili zarobki i vypłačvali ŭ čas!»

Prablemy praz zapazyčanaść

Situacyju na «Zabudovie» z nami abmierkavaŭ namieśnik hienieralnaha dyrektara pa ideałahičnaj rabocie, sacyjalnym raźvićci i ahrarnych pytańniach Hienrych Kutas.

Jon nie chavaje, što pradpryjemstva maje finansavyja prablemy i aceńvaje ciapierašni stan jak najskładaniejšy. Pryčynu kiraŭnictva bačyć u tym, što doŭhi čas brali kredyty pad vysokija pracenty. Ciapier vialikaja častka abarotnych srodkaŭ idzie na ich pahašeńnie. U toj ža čas, jość kupcy, jakija majuć zapazyčanaść i pierad «Zabudovaj» za ŭžo adhružany tavar.

Nakont zarobkaŭ Hienrych Kutas adkazaŭ, što kampanija pavinna vypłačvać jaho da 25 čysła za spravazdačny pieryjad. Ciapier zvyčajna hrošy naličvajuć ad 25 da kanca miesiaca całkam.

Siaredni zarobak na «Zabudovie» bolš za piać miljonaŭ rubloŭ, paviedamiła kiraŭnictva pradpryjemstva.

Stajać try zavody z čatyroch

Kali b pradpryjemstva pracavała na ŭsiu mahutnaść bieź pierapynku, to ŭžo za adzin miesiac takoj raboty mieła b prybytak. Ale takoha nie adbyvajecca: pradpryjemstva nie atrymlivaje dastatkova syraviny znoŭ ža praz zapazyčanaść. U pieršuju čarhu heta tyčycca cemientnych zavodaŭ-pastaŭščykoŭ, jakija z-za doŭhu nie dajuć syravinu. Adzin dzień prastoju daje vialikija straty.

Try zavody «Zabudovy» — budaŭničych kanstrukcyj, budmateryjałaŭ i dachoŭki — ciapier stajać. Z čatyroch zavodaŭ chołdynhu pracuje tolki drevaapracoŭčy. Dla jaho raboty jość kamplektujučyja.

Mnohich rabočych adpuścili na 2/3 staŭki, ich zarobki źmienšyli. Kiraŭnictva trymajecca pazicyi: pačakać niekalki dzion i dačakacca syraviny, kab za adzin dzień vykanać rabotu.

Ciakučaść kadraŭ kiraŭnictva bačyć, ale ciapier heta nie samaja aktualnaja prablema: budaŭničy siezon zakryvajecca.

Namieśnik hiendyrektara padkreśliŭ, što składy majuć zapasy tolki na niekalki dzion, a tavary raskuplajuć. Vyraby z cemientu dobra iduć na prodaž. Pa rabocie z drevam situacyja krychu inšaja. Za 21 dzień rabočyja paśpiavajuć vykanać patrebnuju rabotu. A voś hrošy ad zakazčyka čakajuć miesiacami.

AAT «Zabudova» ciaham 20 hod zajmaje pazicyju adnaho z najbujniejšych pradpryjemstvaŭ u halinie budoŭli.

Zadača – zachavać i dać rabotu

Hienrych Kutas spadziajecca, što «Zabudova» budzie žyć:

− Niadaŭna razam z hiendyrektaram praviali schody ŭ kožnym pracoŭnym kalektyvie. Skazali, kolki my pavinny, kolki nam. Kiraŭnictva časta jeździć u Minsk šukać vyjście.

Miarkuju, što rašeńnie prymuć na ŭzroŭni staršyni Minabłvykankama. Spadziajomsia, što pradpryjemstva budzie žyć. Naša zadača − zachavać chołdynh, dać rabotnikam zarabić. Nie abiacajem ananasy, ale na chleb pavinna chapić.

Adziny sposab dla vychadu z zapazyčanaści kiraŭnictva «Zabudovy» bačyć u tym, kab ułada ich padtrymała z vypłataj zapazyčanaści. 

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?