Hienieralny sakratar AAN Pan Hi Mun zaniepakojeny paviedamleńniami ab tym, što bajavyja dziejańni va Ukrainie raspaŭsiudzilisia na poŭdzień krainy ŭ rajony, jakija prylahajuć da Azoŭskaha mora i miežaŭ Rasii, i zaklikaje baki pradoŭžyć pieramovy, raspačatyja ŭ Minsku.

«Mižnarodnaja supolnaść nie pavinna dapuścić eskałacyi situacyi, jak i praciahu nasilla i razbureńniaŭ, jakija prynios kanflikt na ŭschodzie Ukrainy, — skazana ŭ zajavie, ź jakoj ad imia Pan Hi Muna vystupiŭ jaho pres-sakratar Stefan Dziužaryk. — Hienieralny sakratar asobna adznačyŭ pieramovy, jakija prajšli ŭ Minsku 26 žniŭnia, i pieršuju aficyjnuju sustreču prezidentaŭ Ukrainy i Rasii. Jon zaklikaje pradoŭžyć hetyja pieramovy z metaj vyrašyć kanflikt mirnym šlacham». 

Pan Hi Mun taksama padkreśliŭ, što ŭsie baki pavinny zrabić svoj uniosak u mirnaje ŭrehulavańnie kryzisu z ulikam suvierenitetu i terytaryjalnaj cełasnaści Ukrainy. 

Nahadajem, 28 žniŭnia prezident Ukrainy Piatro Parašenka vystupiŭ z zajavaj, u jakoj paviedamiŭ pra ŭvod rasijskich vojskaŭ va Ukrainu. Kijeŭ taksama inicyjavaŭ terminovaje sklikańnie pasiadžeńniaŭ Savieta biaśpieki AAN i Savieta ES. 

Na praviedzienym u toj ža dzień pasiadžeńni Savieta biaśpieki AAN namieśnik hiensakratara pa palityčnych pytańniach Džefry Fiełtman zajaviŭ pra nieabchodnaść znajści kanstruktyŭny šlach urehulavańnia kryzisu, nastupstvy jakoha mohuć vyjści daloka za miežy Ukrainy.

«My nie možam ihnaravać tryvožnyja paviedamleńni pra ŭdzieł rasijskich vajennych u novaj chvali eskałacyi. Kali hetyja danyja paćvierdziacca, jany buduć śviedčyć ab pramym parušeńni mižnarodnaha prava i Statuta AAN, — cytuje Fiełtmana ahienctva UNIAN. — U AAN niama niezaležnych instrumientaŭ dla pravierki hetaj infarmacyi, a Rasijskaja Fiederacyja rašuča admaŭlaje hetyja paviedamleńni».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?