Karparacyja Google razhladaje mahčymaść stvareńnia śpiecyjalnych viersij ułasnych servisaŭ dla dziaciej, małodšych za 13 hod.

Ab hetym piša The Information sa spasyłkaj na krynicu, znajomuju z płanami kampanii. Raspracoŭka budzie raspaŭsiudžvacca na takija servisy, jak videachostynh YouTube, pošta Gmail, a taksama internet-pošuk praz Google.

Zhodna z amerykanskim zakonam ab abaronie pryvatnaści dziaciej u siecivie, veb-płatformy abmiažoŭvajuć rehistracyju ŭ onłajn-servisach dziaciej, małodšych za 13 hod. Dla atrymańnia dostupu patrabujecca dazvoł baćkoŭ na ŭvachod albo rehistracyju na sajtach. Dadzienaja zabarona dazvalaje paźbiehnuć zboru i zachoŭvańnia asabistych dadzienych dziaciej dla dalejšaha vykarystańnia pry pakazie kantekstnaj rekłamy.

Jak jurydyčna Google zmoža abyści zabaronu, nie ŭdakładniajecca. Pavodle infarmacyi vydańnia, raspracoŭka budzie praduhledžvać režym, pry jakim baćki zmohuć naładzić ulikovyja zapisy dziaciej. Akramia taho, mierkavanyja charaktarystyki ŭklučajuć u siabie panel dla baćkoŭ, kab kantralavać dziejnaść dziaciej.

U Google admovilisia kamientavać infarmacyju.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?