Dziaržaŭny ministar ministerstva zamiežnych spraŭ Niamieččyny Hiernat Erler naviedaje z 21 pa 23 listapadu Maskvu i Miensk. Jak paviedamlajuć u niamieckim zamiežnapalityčnym viedamstvie, u čaćvier 22 listapada niamiecki dziaržministar adkryje tradycyjnuju, dziasiatuju pa liku biełaruska‑niamieckuju imprezu «Mienski forum», meta jakoj spryjać dyjalohu pamiž palitykami, ekspertami, niaŭradavymi arhanizacyjami Biełarusi, Niamieččyny i inšych susiednich dziaržaŭ. Pa zaviaršeńni kanferencyi planujecca sustreča pamiž Hiernatam Erleram i namieśnikam ministra biełaruskaha MZS Valerjem Varanieckim.

Napiaredadni pajezdki ŭ interviju «Deutsche Welle» Hiernat Erler zajaviŭ, što

«dačynieńni pamiž Eŭropaj i siońniašniaj — aficyjnaj — Biełaruśsiu nielha nazvać dobrymi».

Adnak, niahledziačy na heta, Niamieččyna imkniecca pravodzić palityku adkrytych dźviarej dla Biełarusi.

«Kali pazycyja kiraŭnictva ŭ Miensku źmienicca, kali my adčujem, što tam iznoŭ uźnikaje intares da supracoŭnictva, i, u pieršuju čarhu, źmienicca staŭleńnie da apazycyi, to ŭ takim vypadku Eŭraźviaz budzie hatovy supracoŭničać, navat źniać sankcyi, uklučna z zabaronaj na ŭjezd u Eŭraźviaz cełamu šerahu čalcoŭ mienskaha kiraŭnictva», skazaŭ Hiernat Erler.

Radyjo Svaboda

Клас
0
Панылы сорам
0
Ха-ха
0
Ого
0
Сумна
0
Абуральна
0