Anhieła Mierkiel prapanavała, kab funkcyi pasiarednika dla zabieśpiačeńnia dziejnaści Trochbakovaj kantaktnaj hrupy ŭ składzie Ł.Kučmy, Ch.Taljavini, M.Zurabava uvajšoŭ Viktar Miedviadčuk [były šef Administracyi prezidenta Ukrainy ŭ časy Kučmy ŭ 2002—2005 hh., jaho časam nazyvajuć kumam Pucina]. Prezident Ukrainy i inšyja ŭdzielniki razmovy pahadzilisia z prapanovaj Anhieły Mierkiel.
Pra heta kancler Hiermanii zajaviła padčas čatyrochbakovaj telefonnaj razmovy pry ŭdziele prezidenta Ukrainy Piatra Parašenki, prezidenta Francyi Fransua Ałanda i prezidenta Rasii Uładzimira Pucina, paviedamlajecca na sajcie Prezidenta Ukrainy.
Telefonnaja razmova była pryśviečana realizacyi mirnaha płana dla Uschodu Ukrainy.
Tak, prezident Rasii padtrymaŭ prapanovu Piatra Parašenki ab uviadzieńni režymu spynieńnia ahniu i jaho manitorynhu.
Piatro Parašenka padkreśliŭ, što realizacyja mirnaha płana i zabieśpiačeńnie kantrolu za ŭsim pierymietrym miažy mahčymyja pry ŭmovie prysutnaści naziralnikaŭ ABSIE, u tym liku pradstaŭnikoŭ Rasii.
U chodzie hutarki Parašenka adznačyŭ, što rašeńnie Rady Fiederacyi ab admienie dazvołu na vykarystańnie vojskaŭ RF na terytoryi Ukrainy źjaŭlajecca stanoŭčym sihnałam na šlachu realizacyi mirnaha płana. Pry hetym prezident padkreśliŭ, što siońnia Ukraina čakaje realnych dziejańniaŭ z boku Rasii, jakija buduć spryjać dalejšaj stabilizacyi situacyi na Danbasie. Kiraŭnik ukrainskaj dziaržavy zaklikaŭ prezidenta Rasii pryniać kankretnyja miery pa spynieńni pastaŭki bajevikam zbroi i techniki praź miažu Ukrainy.
Pa vynikach razmovy fiederalny kancler Hiermanii prapanavała padtrymać nastupnyja sumiesnyja kroki:
1. Zabieśpiačeńnie sistemy manitorynhu z elemientami kantrolu (tyčycca błokpastoŭ i pieradačy punktaŭ propusku na ŭkrainska-rasijskaj miažy) z udziełam naziralnikaŭ ABSIE, u tym liku pradstaŭnikoŭ Rasii, na čas spynieńnia ahniu;
2. Praciah pieramovaŭ Trochbakovaj kantaktnaj hrupy 26 červienia hetaha hoda;
3. Abmien śpisami zakładnikaŭ i publičnyja zajavy kiraŭnictva RF ab vyzvaleńni ludziej da ŭsich, chto ciapier ich ŭtrymlivaje.
Baki damovilisia pradoŭžyć razmovu ŭ dadzienym farmacie ŭ čaćvier 26 červienia hetaha hoda.
Kavid zabraŭ u Biełarusi 90 tysiač žyćciaŭ, a nie 7 tysiač, jak śćviardžali ŭłady14
Kamientary