Uziataja pad vartu 23-hadovaja žycharka Bierastavickaha rajona Hrodzienskaj vobłaści, jakaja dvojčy na praciahu miesiaca razhramiła adnu i tuju ž kramu.
Jak paviedamili va UUS Hrodzienskaha abłvykankama, u kancy maja žycharka vioski Masalany, jakaja pakutuje na psichičny razład, znachodziačysia ŭ stanie ałkaholnaha apjanieńnia, kamianiami raźbiła škło ŭ miascovaj kramie. U vyniku jaje dziejańniaŭ abłasnomu spažyvieckamu tavarystvu byŭ naniesieny ŭron amal na try miljony rubloŭ. Pa zajavie zahadčycy kramy na miesca prybyła śledča-apieratyŭnaja hrupa, jakaja i zatrymała padazravanuju. Nijakich tłumačeńniaŭ pravaachoŭniki nie atrymali.
Niekalki dzion tamu historyja paŭtaryłasia, tolki škoda była naniesienaja ŭ značna bolšych pamierach. Raźbiŭšy kamieniem dva škłopakiety ŭ dźviarach, žančyna prakrałasia ŭnutr pamiaškańnia, dzie ŭčyniła razhrom. Na hety raz jana naniesła ŭron na sumu bolš za dvaccać miljonaŭ rubloŭ.
Padazravanaja ŭziataja pad vartu. U studzieni hetaha hoda žančyna pakinuła psichijatryčny špital, dzie znachodziłasia na prymusovym lačeńni.
Kamientary