Śviet55

U Rasii retvit płanujuć pryraŭniać da płahijatu

U Rasii paśla ŭstupleńnia ŭ siłu novaha antypirackaha zakona navat za nievialikuju cytatu z čužoha tekstu ŭ siecivie možna budzie trapić pad sud.

Minkamsuviazi i Minkultury RF nie padtrymali prapanovu Minekanamraźvićcia — kab antypiracki zakon raspaŭsiudžvaŭsia tolki na poŭnyja teksty litaraturnych tvoraŭ. Kab nie čakać ŭzhadnieńnia z usimi zacikaŭlenymi viedamstvami i pryniać zakonaprajekt da zakančeńnia viesnavoj siesii Dziarždumy, va ŭradzie vyrašyli ŭnieści jaho ŭ Dumu praz deputataŭ.

Pra heta «Iźviestijam» paviedamiła krynica va ŭradzie.

U Minekanamraźvićcia ličać, što pad antypirackija błakavańni pavinny padpadać tolki paŭnatekstavyja litaraturnyja tvory. Inakš trapić pad dziejańnie antypirackaha zakona mohuć lubyja cytaty, repost u sacsietkach i da t.p. Pa zakonie aŭtar luboha tekstu ŭ siecivie (niezaležna ad daŭžyni i mastackaj kaštoŭnaści hetaha tekstu) źjaŭlajecca ŭładalnikam aŭtarskich pravoŭ na jaho. I jon moža pradjaŭlać pretenzii tym, chto skapijavaŭ jaho tvor, — naprykład, zrabiŭšy retvit u Twitter.

«Kalehi ź Minkultury kažuć, što my zmahajemsia nie z cytavańniem, a s zapampoŭkaj ź biaspłatnych sajtaŭ tekstaŭ knih rasijskich pravaŭładalnikaŭ», — adznačaje namieśnik kiraŭnika Minekanamraźvićcia Aleh Famičoŭ. — «Ale kali my pakul nie chočam zakranać drobnyja zapazyčańni, cytavańnie, płahijat i h.d., to davajcie naŭprost prapišam u zakonie, što jon raspaŭsiudžvajecca na poŭnyja teksty. Inakš zachoŭvajecca vialikaja prastora dla złoŭžyvańniaŭ».

«My nie dumajem, što surjoznyja pravaŭładalniki buduć haniacca za repostami», — paviedamiŭ «Iźviestijam» namieśnik kiraŭnika Minkamsuviazi Alaksiej Volin.

Pradstaŭniki Minkamsuviazi i Minkultury nahadvajuć, što p. 1 art. 1274 Hramadzianskaha kodeksa Rasii dazvalaje «cytavańnie… tvoraŭ u abjomie, apraŭdanym metaj cytavańnia» — biez zhody pravaŭładalnika i biez vypłaty ŭznaharody, ale z abaviazkovym ukazańniem imia aŭtara tvora.

Pa słovach doktara jurydyčnych navuk Antona Siarho, pakolki zakonam nie vyznačana, jaki mienavita abjom cytavańnia źjaŭlajecca apraŭdanym, heta budzie vyrašać sud u kožnym kankretnym vypadku.

U Minekanamraźvićcia ŭpeŭnienyja, što pieranosić hetyja pytańni na ŭzrovień suda niapravilna. Pakolki kankretyki niama, to lubaja cytata abo repost mohuć być pryznanyja parušeńniem zakona, adznačyŭ Famičoŭ.

Prezident Asacyjacyi internet-vydaŭcoŭ Ivan Zasurski padtrymlivaje pazicyju Minekanamraźvićcia. Kali zakon prymuć u ciapierašniaj redakcyi, heta moža vyklikać chvalu pazovaŭ z nahody aŭtarstva.

«U internecie amal niama abjektaŭ biez aŭtarskaha prava… Pryniaćcie zakonaprajekta ŭ ciapierašnim vyhladzie — mahutnaja dyviersija suprać rasiejskaj ekanomiki. U siecivie moža źjavicca novy vid machlarstva — nakštałt patentnaha trolinhu», — kaža Zasurski.

Kamientary5

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy2

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

Usie naviny →
Usie naviny

Bajden nazvaŭ adzinuju ŭmovu, pry jakoj admovicca ad prezidenctva9

Adnaho z najlepšych biełaruskich trenieraŭ pa nastolnym tenisie sudziać za «sadziejničańnie ekstremisckaj dziejnaści»2

Pajšoŭ z žyćcia biełaruski vynachodnik Alaksandr Dłatoŭski

Pahladzicie, jak prykolna vyhladaje biełaruski pašpart pad ultrafijaletam13

Hety karlikavy kot z saramlivym vyhladam staŭ novaj zorkaj sacsietak5

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

Rabočamu z Baranavičaŭ dali hod za łajki pad karykaturami na Łukašenku. Ciapier pahražaje jašče da 12 hadoŭ3

bolš čytanych navin
bolš łajkanych navin

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy2

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

Hałoŭnaje
Usie naviny →