Hurt J:mors ładzić dabračynny aŭkcyjon, na jakim pradaje unikalny dysk «Fotazdymki 2003-2014».

Albom «Fotazdymki 2003-2014» hurta J:mors.

Albom «Fotazdymki 2003-2014» hurta J:mors.

Na albom «Fotazdymki 2003-2014» uvajšli redkija i niavydadzienyja pieśni hurta. Kampazicyja «Fotazdymki», jakaja dała nazvu albomu, była zapisana dla alboma «Bosikom po mostovoj», ale tak i nie ŭvajšła ŭ jaho. Taksama dysk padpisany ŭdzielnikami hurta. 

Akramia pieśni «Fotazdymki» na albomie prysutničajuć jašče dźvie biełaruskamoŭnyja pieśni: «Piva», jakaja nie vydavałasia na albomach J:Mors, a taksama nieviadomaja viersija kampazycyi «Adliha».

Hurt vypuściŭ tolki adzin asobnik dyska, nabyć jaki možna vyklučna praz internet-aukcyjon.

Usie hrošy, atrymanyja za dysk, buduć pieraličany na leki i delfinaterapiju dla 5-hadovaha Stasa Kiryłava, jaki naradziŭsia sa množnymi patałohijami.

Pieramožca aŭkcyjona atrymaje dysk asabista ad lidara hurta J:mors Uładzimira Puhača. Pakupnik «Fotazdymkaŭ» taksama budzie mieć prava vykłaści albom u sieciva.

Tarhi na aŭkcyjonie buduć prachodzić da 12 červienia. Na momant vychadu artykuła maksimalnaja staŭka skłała 3 miljony 525 tysiačaŭ rubloŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?