Zdareńni

Vyjaŭlena bujnaja sietka raspaŭsiudžvalnikaŭ spajsu ŭ Minsku

Padčas apieratyŭna-vyšukovych mierapryjemstvaŭ, źviazanych z hetak zvanaj spravaj fiermiera, supracoŭnikam upraŭleńnia pa narkakantroli i supraćdziejańni handlu ludźmi (UNiSHŁ) HUUS Minharvykankama ŭdałosia vyjści na asnoŭnych fihurantaŭ, jakija arhanizavali hłyboka zakanśpiravanuju sietku pa handli spajsami ŭ biełaruskaj stalicy, paviedamlaje HUUS. Pa vynikach maštabnaj dla krainy milicejskaj śpiecapieracyi zatrymanyja piaciora minčan va ŭzroście ad 24 da 33 hadoŭ.

Jak rastłumačyŭ načalnik UNiSHŁ HUUS Kanstancin Laškievič, u apieratyŭnych supracoŭnikaŭ była infarmacyja pra toje, što napiaredadni i padčas praviadzieńnia ŭ Minsku čempijanatu śvietu pa chakiei płanujecca pastaŭka ŭ horad z RF bujnoj partyi paraškoŭ dla vytvorčaści kurylnych sumiesiaŭ i «marak». Realizoŭvać śmiarotny tavar dylery płanavali praź internet, vykarystoŭvajučy pry hetym «tajnikovy mietad» i drobnych raspaŭsiudžvalnikaŭ.

Hetaj infarmacyjaj milicyjaniery zanialisia nieadkładna, u vyniku čaho 19 maja byli zatrymanyja 25-hadovy minčanin i jaho 24-hadovy siabar, u aŭtamabili «BMV» jakich pravaachoŭniki znajšli i kanfiskavali kala 100 hramaŭ parašku. Dalej u pole zroku apieratyŭnikaŭ trapiŭ jašče adzin 25-hadovy žychar stalicy, jaki zachoŭvaŭ pry sabie ŭžo bolš za kiłahram anałahičnaha rečyva. Finalnaj stadyjaj apieracyi stała zatrymańnie 21 maja asnoŭnych arhanizataraŭ narkabiźniesu — 33-hadovaha i 26-hadovaha minčan (u internecie jany fihuravali pad nikami Vicia i Žora). Apošnich padazrajuć nie tolki ŭ «kamiercyjnych» suviaziach ź niebieźviadomym «fiermieram», ale i ŭ stvareńni na terytoryi Minska šyrokaj sietki pa raspaŭsiudžvańni spajsu i jaho vytvornych («marki», «chutkaść» i h. d.).

Pry ahladzie boksaŭ u haražnych kaapieratyvach u pasiołku Lasny (Minski rajon) i pa vulicy Alošyna ŭ Minsku, jakija arandavali zatrymanyja, apieratyŭnikami było kanfiskavana ŭvohule 14 kiłahramaŭ parašku i 2 kiłahramy hatovych kurylnych miksaŭ. Jak zaznačajuć śpiecyjalisty, kali b hrupoŭcy ŭdałosia pieratvaryć usiu partyju — a heta bolš jak 15 kiłahramaŭ adnych tolki paraškoŭ — u hatovy tavar, to ahulnaja kolkaść razavych doz pieravysiła b paŭtara miljona adzinak. Košt ža kanfiskavanaha ŭ cenach čornaha rynku skłaŭ bolš jak piać z pałovaj miljonaŭ dołaraŭ.

Kamientary

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna7

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna

Usie naviny →
Usie naviny

Biełarusa zatrymali paśla adpačynku ŭ Italii3

«Vyjšli chłopčyki z čamadančykami». Lidar hurta RSP raskazaŭ, jak Łukašenka pryjazdžaŭ na zdymačnuju placoŭku5

Respublikanskaja partyja aficyjna vyłučyła Trampa kandydatam u prezidenty ZŠA9

U Kabardzina-Bałkaryi biełarus sarvaŭsia sa skały2

Tramp nazvaŭ svajho kandydata ŭ vice-prezidenty22

Niekatoryja biełarusy sustrakali ŭčarašni ŭrahan, kupajučysia ŭ voziery VIDEA

Źmitra Daškieviča buduć sudzić pa novaj kryminalnaj spravie ŭžo na hetym tydni7

Łatuška: Ja mahu bajacca pić vadu ci kavu ŭ hramadskich miescach14

Kala miažy Polščy ź Biełaruśsiu ahresiŭnaja moładź atakavała polskich vajskoŭcaŭ VIDEA28

bolš čytanych navin
bolš łajkanych navin

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna7

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna

Hałoŭnaje
Usie naviny →