Deputaty Dziarždumy pryniali zakonaprajekt, jaki pryraŭnoŭvaje simvoliku arhanizacyj, što supracoŭničali ŭ hady Druhoj suśvietnaj vajny z fašystami, da nacysckaj.
Aŭtaram inicyjatyvy vystupiŭ deputat ad frakcyi «Adzinaja Rasija» Siarhiej Žalaźniak.
Zakonaprajekt pašyraje artykuł 20.3 KaAP, jaki zabaraniaje prapahandu i publičnaje demanstravańnie nacysckaj atrybutyki i simvoliki, a taksama simvoliki ekstremisckich arhanizacyj. Hety śpis, u vypadku pryniaćcia zakona, budzie dapoŭnieny atrybutykaj i simvolikaj «arhanizacyj, jakija supracoŭničali z fašysckimi arhanizacyjami i ruchami, a taksama ź mižnarodnymi albo zamiežnymi arhanizacyjami, jakija admaŭlali prysud Mižnarodnaha vajennaha trybunała (Niurnbierhskaha trybunała) albo prysudy nacyjanalnych, vajennych abo akupacyjnych trybunałaŭ, zasnavanych na prysudzie Mižnarodnaha vajennaha trybunała», piša ITAR-TASS.
Prynamsi, błohiery źviarnuli ŭvahu na toje, što pad dziejańnie novaha zakona moža patrapić sučasny ściah Rasiejskaj Fiederacyi. U pryvatnaści, pra heta piša žurnalist Andrej Malhin.
«Simvolikaj UPA, jakuju Žalaźniak i astatnija idyjoty ź Dziarždumy źbirajucca pryraŭniać da nacysckaj, byŭ «dziaržaŭny Tryzub», mienavita taki, jaki ciapier źjaŭlajecca dziaržaŭnym hierbam Ukrainy. Buduć zabaraniać ukrainski hierb? A voś ciapierašni ściah Rasiejskaj Fiederacyi, naadvarot, byŭ simvałam RVA — armii Ułasava. Kali prytrymlivacca litary zakonu, hety fłah treba zabaranić», — piša jon.
«My dla ich — miasa». Palitviazień vyjšaŭ ź miełanomaj, jon uskładaje vinu na načalnicu sančaści i prymusovaje haleńnie hałavy6
Kamientary