Ułada2727

Łukašenka pra razvod: Daša (Šmanaj) nie pačynała razmovu na hetuju temu VIDEA

Alaksandr Łukašenka ŭ intervju Ksienii Sabčak abvierh infarmacyju ab tym, što jon raźviedzieny. «Navošta heta treba, kamu heta treba? Nichto nie zavodziŭ sa mnoj razmovu pra razvod», — skazaŭ jon u sieradu ŭ efiry telekanała «Doždž».

Ksienija Sabčak zaznačyła, što samaj abmiarkoŭvanaj u Biełarusi temaj źjaŭlajecca, ź jakimi dziaŭčatami prychodzić na chakiej Alaksandr Łukašenki i jakija adnosiny pamiž imi. Razmova zajšła pra Darju Šmanaj, što siadzieła na apošnim matčy pobač z kiraŭnikom dziaržavy. Voś što adkazaŭ na heta Łukašenka.

«Jana pracuje sa mnoj dva hady. Ja ni na adnym mierapryjemstvie nie siadžu z namylenaj mordaj z čynoŭnikami. Z adnaho boku — syn, z druhoha — dziaŭčonka. Ja viadučuju Palinu Šubu viedaju šmat hadoŭ, jana mnie kvietki ŭručała, kali dziciom była. Niejak skazała mnie: «A ja vas viedaju». Raskazała mnie hetuju historyju.

U nas u słužbie pratakoła pracujuć vielmi pryhožyja dziaŭčatki. Prosiać, ci možna z vami pasiadzieć na mierapryjemstvie, kali łaska! Kali b u mianie była takaja dziaŭčyna, jak Darja Šmanaj — heta vyšej dachu!

Viedajecie, čamu Pucin raźvioŭsia? Moža, hetaha chacieŭ inšy čałaviek. Nie viedaju, dziaŭčyna ci žančyna. Nacisnuć na prezidenta taksama možna», — skazaŭ Alaksandr Łukašenka.

Pra razvod

«Maja žonka žyvie ŭ Škłovie pa starym miescy žycharstva. Ja nie raźviedzieny. My z žonkaj daŭno nie žyviom razam, jana prystojny čałaviek», — skazaŭ Łukašenka. I pryznaŭsia, što ź vialikaj pavahaj stavicca da svajoj cieščy Aleny Fiodaraŭny Žaŭniarovič i zaŭsiody jaje adviedvaje.

«Ja nie chaču traŭmavać maci maich dziaciej. Ja i bolš za toje, kali byvaju doma, ja pierš za ŭsio jedu da svajoj cieščy. Fiodaraŭna dla mianie — druh čałavieka, jak ja joj zaŭsiody kažu. Jana mianie biaźmierna lubić. I lubiła zaŭsiody. I ja da jaje jezdžu i, niahledziačy na toje, što z dačkoj jaje my nie žyviom, moža być, 30 ci kolki hadoŭ. Heta dla mianie śviaty čałaviek. Heta paśla maci druhi čałaviek. Kali b nie jana, ja b prezidentam nie byŭ. Ja moža być, navat i narmalnym čałaviekam nie byŭ.

— Aficyjnaha razvodu nie budzie?

— Navošta heta treba? Kamu heta treba? Skažycie, chto ad mianie patrabuje hety razvod?

— Moža, małodšy syn?

— Słuchajcie. Kolki moj Kola sustrakaŭsia z majoj Radzivonaŭnaj [aficyjnaja žonka] niekalki razoŭ. Jon u žyćci nikoli nie skazaŭ.

- Jaho mama nie suprać takich sustreč? Jana nikoli nie pačynała razmovy?

- Nie. Nikoli. Nichto nikoli. I Daša taksama, pra jakuju vy kažacie, nie pačynała hetaj razmovy. Nu kamu heta treba? Ja nie razumieju. Kali b mnie było 30 hadoŭ i napieradzie ŭsio hetaje žyćcio, iści zaŭtra ažanicca.

Kamientary27

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Usie naviny →
Usie naviny

«Hienierał-špic Umka pad kodavym imieniem Bieleńki». Najlepšyja tvity tydnia9

U Minsku na dziaŭčynu, jakaja viartałasia ź plažu, upała dreva. Jana zahinuła3

Češka Barbara Krejčykava pieramahła na Uimbłdonie-2024

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»28

Urahan źmioŭ kiempinh na Vilii, paviedamlajuć pra zahinułaha3

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA15

Pa Biełarusi kocicca niepahadź, mocnyja viatry i zalevy FOTY i VIDEA2

U minčuka skrali rečy, pakul jon kupaŭsia ŭ Cnianskim vadaschoviščy

«Kachańnie ŭsiaho majho žyćcia». Aryna Sabalenka paćvierdziła svaje adnosiny z brazilskim biznesmienam16

bolš čytanych navin
bolš łajkanych navin

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Hałoŭnaje
Usie naviny →