Ministerstva abarony ZŠA padrychtavała płan vyratavańnia ŭ vypadku mahčymaha napadu armii zombi. Dakumient pad kodavaj nazvaj CONOP 8888 trapiŭ u rasparadžeńnie časopisa Foreign Policy.
Jon źmiaščaje padrabiaznuju instrukcyju pra toje, jak pieražyć ataku žyvych mierćviakoŭ i źniščyć ich. Akramia taho, płan źmiaščaje rekamiendacyi ab tym, jak padtrymlivać zakon i paradak paśla napadu zombi.
«Hety płan uklučaje mietadyčnyja rekamiendacyi dla abjadnanaha kamandavańnia amierykanskich uzbrojenych siłaŭ pa raspracoŭcy ŭsioabdymnaha scenara na vypadak nadzvyčajnaj situacyi dla abarony mirnaha nasielnictva ad ardy zombi», — havorycca ŭ zvodnym ahladzie Pientahona.
Pradstaŭnik Abjadnanaha stratehičnaha kamandavańnia kapitan Pameła Kunc paćvierdziła, što dakumient sapraŭdy raźmieščany na sajcie Pientahona i znachodzicca ŭ abaronienym dostupie. Pavodle jaje słoŭ, dakumient źjaŭlajecca nie peŭnym płanam dziejańniaŭ VS ZŠA, a tolki mahčymym mietadam dla płanavańnia i adpracoŭki lubych vajennych scenaryjaŭ.
Zhodna z płanam, isnuje niekalki varyjantaŭ raźvićcia padziej u vypadku napadu zombi. U najhoršym vypadku zombi z vysokim kaeficyjentam zaraznaści źjadajuć vialikuju kolkaść ludziej i zaražajuć ich. Pry takim raskładzie supraćstajać žyvym mierćviakam praktyčna niemahčyma.
Dakumient byŭ raspracavany jašče ŭ krasaviku 2011 hoda. Jaho aŭtary padkreślivajuć ŭsiu surjoznaść kancepcyi. Na dumku aŭtaraŭ, zombi mohuć zamianić saboj absalutnaha luboha mierkavanaha voraha. Vykarystoŭvajučy vobraz žyvych mierćviakoŭ zamiest realnaj dziaržavy, možna paźbiehnuć palityčnaj padaploki. Apieracyja pa vyratavańni čałaviectva ad zombi ŭ cełym padobnaja da padaŭleńnia antyŭradavych sił. Taksama, jak i ŭ vypadku z paŭstancami, apieracyja prachodzić praz stadyi «strymlivańnia», «pierachoplivańnia inicyjatyvy», «daminiravańnia», «stabilizacyi» i «adnaŭleńnia hramadzianskaj ułady».
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki33
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary