Skančajecca budaŭnictva etnakulturnaha kompleksu ŭ vioscy Nanosy na voziery Narač. U «starabiełaruskaj vioscy» raźmieściacca dva dvuchpaviarchovyja budynki i dziesiać adnapaviarchovych chat. Adnačasova ŭ ich zmohuć žyć 48 čałaviek. U kožnaj z chatak budzie łaźnia.

Na terytoryi turystyčnaha kompleksu raźmieściacca muziej rarytetnych aŭtamabilaŭ, etnahrafičny muziej, rynkavy plac, šerahi ramieśnikaŭ, naziralnaja placoŭka, basiejn, stajnia, viatrak i vadziany młyn.

Budavać pačali try hady tamu. Košt ŭźviadzieńnia etnakulturnaj vioski — kala Br50 młrd.

Miadzielski rajon u letni siezon štohod naviedvajuć kala 60 tys. turystaŭ.

Inšy cikavy prajekt dla turystaŭ — turystyčny maršrut pa Aptekarskimi sadzie.

Sad ź lekavymi raślinami, u tym liku redkimi, hadujuć kala dendrałahičnaha sadu nacparku «Naračanski».

Turystyčny maršrut pa Aptekarskimi sadzie raspracoŭvajecca ŭ Miadzielskim rajonie, paviedamiŭ karespandentu BIEŁTA namieśnik staršyni Miadzielskaha rajvykankama Leanid Bierniakovič.

Raspracoŭka maršrutu źjaŭlajecca častkaj inviestycyjnaha prajekta pa stvareńni sadoŭ ź lekavymi raślinami. Prajekt realizujecca z 2012 hoda, zaviaršyć jaho płanujecca ŭ biahučym hodzie. Dla naviedvańnia turystaŭ uładkujuć aptekarskaj sad z redkimi raślinami. Ekskursijny maršrut pa abjekcie prapracoŭvajecca z ulikam blizkaści dendrałahičnaha sadu u nacparku «Naračanski». Pa maršrucie ruchu pabudujuć letni kafe, dzie možna budzie pakaštavać duchmianyja fitačai.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?