U Krymie śviatary Ukrainskaj Pravasłaŭnaj Carkvy Kijeŭskaha Patryjarchatu hatovyja pravodzić svaje nabaženstvy ŭ miačeciach.

Taki prytułak im prapanavali krymskija tatary, paviedamlaje śpikier Kijeŭskaha Patryjarchata arcybiskup Jeŭstracij Zara.

Pavodle jaho słovaŭ, dvoje śviataroŭ ŭžo pakinuli Krym, jašče adzinaccać na čale z arcybiskupam Klimientam praciahvajuć słužyć tam nabaženstvy. Ale ŭsio duchavienstva Kijeŭskaha patryjarchata było vymušana vyvieźci z paŭvostrava svaje siemji.

Na zaprašeńni krymskich tataraŭ malicca ŭ miačeciach pravasłaŭnyja pahodziacca, kali ŭ svaich cerkvach u Krymie jany adčujuć niebiaśpieku abo kali śviataroŭ i viernikaŭ Kijeŭskaha patryjarchatu prosta vyhaniać ź ich chramaŭ.

«Kali nie budzie mahčymaści nam, našym śviataram i viernikam malicisia ŭ svaich chramach, to jany daduć miesca ŭ miačeciach. I zapeŭnili, što jany buduć dapamahać abaraniać našy pravy i daduć mahčymaść malicca ŭ svaich kultavych budynkach», — zajaviŭ arcybiskup UPC KP Jeŭstracij.

Raniej paviedamlałasia, što Krymskaja dyjacezija UPC abviarhała paviedamleńni ab invientaryzacyi majomaści UPC KP.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?