Śviet66

U Rasii admianili dziesiać kancertaŭ hurtu «Akijan Elzy»

Hastroli ŭkrainskaha hurtu «Akijan Elzy» ŭ Rasii pieraniesieny na niavyznačany termin. Pra heta 19 sakavika paviedamlajecca na aficyjnym sajcie hurtu.

Kancerty adkładzienyja pa inicyjatyvie arhanizataraŭ.

«I jašče raz padkreślim, što na hety momant hurt nie admianiŭ nivodnaha kancertu ŭ nivodnaj krainie śvietu pa ŭłasnaj inicyjatyvie», —havorycca ŭ pres-relizie.

Sami arhanizatary hastrolaŭ rašeńnie pra ich admienu pakul nie kamientavali, dadaje Lenta.ru.

Takim čynam admienieny ci pieraniesienyja na niapeŭny termin kancerty ŭ Sankt-Pieciarburhu 31 sakavika, a taksama dzieviać kancertaŭ u krasaviku ŭ Sibiry i na Dalokim Uschodzie.

Darečy, nastupnymi dniami «Akijan Elzy» daje šerah kancertaŭ u Hiermanii, 25 sakavika ŭ Varšavie, 28-ha — u Vilni, 29 sakavika — u Ryzie.

U mai i červieni zapłanavany šerah vialikich kancertaŭ u haradach Ukrainy z nahody 20-hodździa hurtu.

Zakliki zabaranić vystupy hurtu prahučyli ŭ lutym z vusnaŭ deputata zakanadaŭčaha schodu Pieciarburha Miłonava, a taksama Uładzimira Žyrynoŭskaha, jakija abvinavacili lidara kalektyvu Śviatasłava Vakarčuka ŭ antyrasiejskaści i padtrymcy Majdanu.

Śviatasłaŭ Vakarčuk padčas masavych akcyj pratestu ŭ Kijevie aktyŭna padtrymlivaŭ patrabavańni Jeŭramajdanu, niekalki razoŭ źviartaŭsia da Viktara Janukoviča z zaklikam admovicca ad siłavoha scenaru,

a 14 śniežnia razam z hurtom daŭ hadzinny kancert na Majdanie, pryśviaciŭšy vystup źbitym «Bierkutam» studentam u noč na 30 listapada ŭ Kijevie. Kancert 14 śniežnia sabraŭ kala 200 tys. čałaviek. Pry hetym muzyka pastajanna padkreślivaje, što dobra stavicca da Rasii i lubić rasijskuju kulturu, a taksama achvotna havoryć pa-rasijsku.

Darečy, 31 śniežnia 2013 h. «Akijan Elzy» pa inicyjatyvie «Doždia» daŭ kancert u maskoŭskim aeraporcie «Šaramaćjeva».

Kamientary6

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Usie naviny →
Usie naviny

«Hienierał-špic Umka pad kodavym imieniem Bieleńki». Najlepšyja tvity tydnia9

U Minsku na dziaŭčynu, jakaja viartałasia ź plažu, upała dreva. Jana zahinuła3

Češka Barbara Krejčykava pieramahła na Uimbłdonie-2024

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»28

Urahan źmioŭ kiempinh na Vilii, paviedamlajuć pra zahinułaha3

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA15

Pa Biełarusi kocicca niepahadź, mocnyja viatry i zalevy FOTY i VIDEA2

U minčuka skrali rečy, pakul jon kupaŭsia ŭ Cnianskim vadaschoviščy

«Kachańnie ŭsiaho majho žyćcia». Aryna Sabalenka paćvierdziła svaje adnosiny z brazilskim biznesmienam16

bolš čytanych navin
bolš łajkanych navin

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Hałoŭnaje
Usie naviny →