Ukraina prypyniaje staršynstva ŭ SND. Pra heta paviedamiŭ na bryfinhu dyrektar departamienta infarmacyjnaj palityki ŭkrainskaha MZS Jaŭhien Pierabijnis.
«Ukraina vyrašyła nie praciahvać svajo staršynstva ŭ Sadružnaści. Siońnia budzie nakiravanaja adpaviednaja nota», — skazaŭ jon.
Pradstaŭnik dypviedamstva patłumačyŭ, što takoje rašeńnie było pryniataje z-za taho, što krainy-siabry SND nie vykonvajuć umovy pahadnieńnia, padpisanaha pry stvareńni Sadružnaści.
«Ukraina pakidaje za saboj prava razhledzieć metazhodnaść dalejšaha ŭdziełu ŭ dziejnaści SND», — dadaŭ Pierabijnis.
14 sakavika va ŭkrainskim parłamiencie byŭ zarehistravany zakonaprajekt ab denansacyi pahadnieńnia ab stvareńni SND. Dakumient prapanavaŭ deputat ad frakcyi «Baćkaŭščyna», eks-kiraŭnik MZS Ukrainy Barys Tarasiuk. Raniej vykonvajučy abaviazki ministra zamiežnych spraŭ krainy Andrej Dzieščyca zajaviŭ, što Ukraina maje namier vyjści z SND «z-za niazdolnaści arhanizacyi słužyć instrumientam vyrašeńnia kanfliktaŭ pamiž jaje siabrami».
Stała viadoma, što za damovu ŭčora padpisali Łukašenka z Pucinym15
Stała viadoma, što za damovu ŭčora padpisali Łukašenka z Pucinym
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi2020
Kamientary