Prezident Rumynii Trajan Besesku vykazaŭ zaniepakojenaść tym, što paśla rasijskaha vajennaha ŭvarvańnia ŭ Hruziju i Ukrainu mohuć adbycca anałahičnyja kroki i ŭ dačynieńni da Respubliki Małdova. Tak kiraŭnik Rumynii zajaviŭ na pres-kanfierencyi ŭ Buchareście.
«Rasijska-ŭkrainski kanflikt nie niasie ŭ sabie pramych ryzykaŭ dla Rumynii. Adnak ja zaniepakojeny tym, što ŭśled za vajennym uvarvańniem u Hruziju i Ukrainu rasijskija vojski mohuć uvajści ŭ Respubliku Małdova, što dla Rumynii i jaje partnioraŭ stanie parazaj», — zajaviŭ Besesku.
Kiraŭnik Rumynii adznačyŭ, što jon nie raz papiaredžvaŭ jeŭrapiejskich kalehaŭ pra ryzyki, źviazanyja z mahčymym umiašańniem Rasii va ŭnutranyja spravy Respubliki Małdovy. Havaryŭ pra heta Trajan Besesku i z prezidentam Małdovy Mikałaje Cimafci.
4 sakavika Małdova vykazała zaniepakojenaść u suviazi z aktyŭnaściu rasijskich vojskaŭ na terytoryi Prydniastroŭja.
A prezident Besesku ličyć, što rumynskaje kiraŭnictva pavinna adkryta abviaścić Małdovu rumynskaj ziamloj.
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia1
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1515
Kamientary