Alaksandr Łukašenka ličyć niedapuščalnym skažeńnie asobnymi rasijskimi ŚMI infarmacyju ab prapanovie biełaruskaha boku nakiravać u Biełaruś dadatkovyja siły rasijskaj avijacyi dla ŭdziełu ŭ sumiesnym vučeńni ŭ ramkach praviadzieńnia druhoha etapu pravierki bajavoj hatoŭnaści Uzbrojenych Sił Biełarusi.
Ab hetym kiraŭnik dziaržavy zajaviŭ siońnia na sustrečy z kiraŭnikom Respubliki Mardovija RF Uładzimiram Vołkavym, dzie taksama prysutničaŭ pasoł Rasii ŭ Biełarusi Alaksandr Surykaŭ, paviedamlaje BiełTA.
Niekatoryja rasijskija ŚMI va ŭłaścivaj im maniery skazili słovy prezidenta, što Biełaruś zaprasiła da praviadzieńnia vučeńniaŭ dadatkovyja siły rasijskich VPS, padkreślivaje BiełTA. «Niekatoryja kanały padnieśli heta ledź nie jak prośbu ab vajennaj dapamozie, niahledziačy na toje, što praviadzieńnie takich vučeńniaŭ rehłamientujecca sajuznymi damoŭlenaściami i dakumientami ab stvareńni i funkcyjanavańni adzinaj hrupoŭki vojskaŭ Biełarusi i Rasii».
«Učora asobnyja rasijskija kanały pastavili ŭ šerah Biełaruś z Krymam i «aj-jaj-jaj, — Łukašenka spałochaŭsia, paprasiŭ dapamohi, abarony ŭ Rasii», — skazaŭ kiraŭnik dziaržavy. «Navošta vy heta robicie? Vy lepš skažycie, što vy daŭno prosicie ŭ nas heta, i ja ŭžo tut, viedajecie, roznymi vykrutasami, užo ja prapanavaŭ, kab Rasija pryjechała i tut pryziamliłasia, — skazaŭ Alaksandr Łukašenka.
— A jany, bačycie, paviarnuli heta ŭ advarotny bok. Praŭda, my adrehulavali da viečara. Ja znoŭ kateharyčna papiaredziŭ: kali budziecie tak pastupać, my pastupim inakš. Nielha tak rabić. Navošta heta padavać niezrazumieła jak?».
«U nas narmalnaja abstanoŭka, vy bačycie, ni vajny, usio cicha, spakojna. Ale kali niechta tam kidajecca ŭ Polščy ci nataŭcy i hetak dalej, dyk u nas jość płan na heta. My jaho pavinny realizoŭvać, i ja prapanavaŭ Rasii: davajcie realizoŭvać», — dadaŭ biełaruski kiraŭnik.
Apytanka
Biełaruskaja błohierka pracavała na rasijskaj apazicyjnaj fabrycy botaŭ, a paśla źliła dakumienty?43
Kamientary