Siońnia, 4 sakavika, delehacyja ZŠA vysokaha ŭzroŭniu ŭšanavała pamiać zahinułych hierojaŭ Niabiesnaj Sotni ŭ Kijevie.
Paśla abiedu na barykady, raźmieščanyja na vulicy Instytuckaj, pryjšli kiraŭnik Dziarždepartamienta ZŠA Džon Kery, pasoł Złučanych Štataŭ u Kijevie Džefry Pajet i namieśnik dziaržsakratara Viktoryja Nułand.
Jany prynieśli z saboj čyrvonyja ružy i łampadki. U supravadžeńni achovy, presy i kiraŭnikoŭ viadučych relihijnych kanfiesij Ukrainy, u pryvatnaści patryjarcha UPC KP Fiłareta i kiraŭnika UHKC Śviatasłava Šaŭčuka, amierykanskija palityki padyšli da pomnika zahinułym majdanaŭcam.
«Dzieci maje, braty maje! Prabačcie mianie, što nie ŭratavaŭ vas ad kuli snajpiera 20 lutaha 2014. Słava Ukrainie!» — taki nadpis vyhraviravany na pamiatnym kamieni, što ŭłasnaručna ŭstanaviŭ bieznazoŭny žychar Kijeva la ŭvachodu ŭ stancyju mietro «Chryščacik» na vuł. Instytuckaja.
Kery uskłaŭ kvietki i niekalki razoŭ pierachryściŭsia. Nułand pierad tym, jak zrabić toje ž, pacałavała ružy i pastaviła łampadku.
Pastajaŭšy niekalki chvilin kala manumienta i ŭšanavaŭšy chvilinaj maŭčańnia hierojaŭ Niabiesnaj Sotni, amierykanskaja delehacyja spuściłasia jašče na niekalki mietraŭ niepasredna da barykadaŭ i tam pahutaryła z «majdanaŭcami» i presaj.
Niabiesnaj Sotniaj Majdanu nazyvajuć palehłych u sutyčkach za svabodu ŭ 2014 h. ukraincaŭ. Tak u chodzie sutyčak da 18 lutaha, u asnoŭnym 22 studzienia, zahinuli i pamierli ad ran siem čałaviek, u tym liku biełarus Michaił Žyźnieŭski i armianin Siarhiej Nihajan (22 studzienia).
U chodzie supraćstajańnia 18—21 lutaha zahinuli i pamierli ad ran 68 abaroncaŭ Majdanu, u asnoŭnym uzbrojenych lohkimi ščytami. U chodzie sutyčak zahinuli taksama 11 milicyjanieraŭ.
Ukraincy apładzirujuć Kery, Nułand i Pajetu
Jak hinuła Niabiesnaja Sotnia Majdanu
Pamiatajecie pravakatara i danosčyka Jaŭhiena Kakojta? Jon ciapier taksama palitviazień13
Kamientary