Ułada88

Kiraŭnik MZS Biełarusi: My zacikaŭleny ŭ stabilnaj, nadziejnaj, terytaryjalna cełasnaj Ukrainie

«My zacikaŭleny ŭ tym, kab Ukraina zastałasia stabilnaj, terytaryjalna cełasnaj, niezaležnaj dziaržavaj, kab tam nie było taho, što adbyvajecca siońnia. Ja nazvaŭ by heta trahiedyjaj», — zajaviŭ ministr zamiežnych spraŭ Biełarusi Uładzimir Makiej u intervju infarmacyjnamu ahienctvu BNS, stenahrama jakoha raźmieščana na aficyjnym sajcie biełaruskaha MZS.

Nahadajem, Makiej znachodziŭsia z rabočym vizitam u Litvie 28 lutaha - 1 sakavika. Havoračy ab situacyi ŭ Krymie (intervju kiraŭnik MZS daŭ jašče da taho, jak stała viadoma, što kamitety Savieta Fiederacyi pa abaronie i mižnarodnych spravach Fiederalnaha schodu Rasii ŭchvalili zvarot prezidenta krainy Uładzimira Pucina ab vykarystańni Uzbrojenych sił RF na terytoryi Ukrainy),

Makiej adznačyŭ: «dla taho kab davać acenku pavodzinaŭ Rasiei, Złučanych Štataŭ Amieryki i inšych dziaržaŭ, treba mieć usiu paŭnatu infarmacyi. Ja dumaju, što siońnia da kanca nichto nie viedaje, što adbyvajecca va Ukrainie i ŭ Krymie. Navat ministr zamiežnych spraŭ Litvy, jaki ŭčora (28 lutaha. - BiełaPAN. ) viarnuŭsia z Kijeva, i my adkryta razmaŭlali na hetuju temu, navat jon da kanca nie ŭjaŭlaje, što adbyvajecca va Ukrainie, choć jon mieŭ razmovy sa šmatlikimi aficyjnymi asobami».

Makiej padkreśliŭ, što nie staŭ by «ciapier vinavacić jakuju-niebudź krainu ŭ tym, što chtości nahniataje i raspalvaje hetyja straści ŭ tym ci inšym rehijonie». «Treba razumieć, što ŭ tym ža samym Krymie pražyvaje vielizarnaja kolkaść ludziej, jakija nie zusim zhodny z tym, što adbyvajecca ŭ Kijevie, - adznačyŭ jon. - Hetak ža ŭschodniaja častka Ukrainy prytrymlivajecca ŭ peŭnaj miery inšych pohladaŭ, čym zachodniaja častka Ukrainy. Taki mientalitet ŭkrainskaha naroda. Pra heta kažuć i sami ŭkraincy, pra heta kazaŭ i ministr zamiežnych spraŭ Litvy, kali my ź im abmiarkoŭvali hetaje pytańnie. Prablema Ukrainy ciapier składajecca ŭ tym, kab abjadnać voś hetyja adroznyja častki».

Makiej taksama padkreśliŭ: « Adnosna taho, što adbyvajecca ŭ Krymie, to heta treba vyvučyć bolš padrabiazna i staranna. Ja nie hatovy zaraz davać niejkija radykalnyja acenki adnosna ŭdziełu, emiašańnia tych ci inšych sił u hetyja ŭnutranyja pracesy. Ale nie chaciełasia b, kab va Ukrainie adbyłasia, skažam tak, «juhasłavizacyja», jak heta było ŭ svoj čas na Bałkanach».

Aceńvajučy adnosiny Biełarusi i Ukrainy, Makiej adznačyŭ, što Ukraina źjaŭlajecca vielmi važnym partnioram i ŭ palityčnym, i ŭ handlova-ekanamičnym, i ŭ humanitarnym sensie. «U nas z Ukrainaj vielizarny tavaraabarot, dzieści kala 7 młrd dalaraŭ. Nas źviazvajuć ciesnyja humanitarnyja, čałaviečyja suviazi, — padkreśliŭ jon. — My zacikaŭleny va Ukrainie jak u stabilnym našym partniory, našym blizkim siabry. Što tyčycca vybudoŭvańnia farmalnych adnosin, davajcie pahladzim, jak situacyja budzie raźvivacca, dla taho kab užo možna było pryniać kančatkovaje rašeńnie. Ale, paŭtarusia, my zacikaŭleny ŭ stabilnaj, nadziejnaj, terytaryjalna cełasnaj Ukrainie».

Jon skazaŭ, što ŭ Minsku «vielmi spakojna, ale vielmi aściarožna hladziać na ŭsio, što adbyvajecca». «Na žal, taja infarmacyja, jakaja pastupaje z Ukrainy, kaža pra toje, što ź pieramohaj tak zvanaha Majdanu absalutna ničoha nie skončyłasia, - zajaviŭ Makiej. - Heta jašče, mahčyma, tolki pačatak. Treba staranna praanalizavać i z nacyjanalnaha, i ź mižnarodna-pravavoha punktu hledžańnia, i z punktu hledžańnia lehitymnaści ciapierašniaha składu ŭrada. My nie admaŭlajemsia ad kantaktaŭ ź imi, naadvarot, šerah asob, jakija ŭvachodziać u skład novaha ŭrada, my viedajem i kantaktavali ź imi i raniej. i majem namier padtrymlivać narmalnyja suviazi i nadalej».

Kamientary8

«Pazvaniŭ ministr: Anžalika, kudy ty lezieš?» Byłaja top «Koka-Koły» raskazvaje, jak stała śpikierkaj Kaardynacyjnaj rady19

«Pazvaniŭ ministr: Anžalika, kudy ty lezieš?» Byłaja top «Koka-Koły» raskazvaje, jak stała śpikierkaj Kaardynacyjnaj rady

Usie naviny →
Usie naviny

Siłaviki zatrymali bieraściejca za rolik u tyktoku. Jon źniaŭ daišnika i nazvaŭ jaho «čyk-čyrykam»3

Prydybajła zaklikaŭ «zamarudzić jutub», bo ŭ rekamiendacyjach u jaho videa Šrajbmana i Miełkaziorava6

Biełarusaŭ zamiežža abaviažuć paviedamlać pra šlub i naradžeńnie dziaciej. A jakoje pakarańnie tym, chto praihnaruje?18

«Kamunarka» impartazamiaścić šakaład dla hłazuravanych syrkoŭ i maroziva7

U Mazyry za «raspaŭsiud ekstremizmu» pakarali hałoŭnuju redaktarku haziety NPZ3

Atrymać pasyłku na pošcie zaraz možna budzie biez dakumientaŭ1

Minski zavod vinaŭ adkazaŭ Rasii na «šmurdziak» — pastaŭki vina ŭ RF spyniajucca18

Karł III źviarnuŭsia da zbornaj Anhlii ź niezvyčajnaj prośbaj3

Kačanava vystupiła za suvierennaje prava dziaržavy na falsifikacyju vybaraŭ i zaklikała stvaryć pryjaznuju misiju naziralnikaŭ ad BRIKS12

bolš čytanych navin
bolš łajkanych navin

«Pazvaniŭ ministr: Anžalika, kudy ty lezieš?» Byłaja top «Koka-Koły» raskazvaje, jak stała śpikierkaj Kaardynacyjnaj rady19

«Pazvaniŭ ministr: Anžalika, kudy ty lezieš?» Byłaja top «Koka-Koły» raskazvaje, jak stała śpikierkaj Kaardynacyjnaj rady

Hałoŭnaje
Usie naviny →