Dzień supraćstajańnia z Ukrainaj abyjšoŭsia Rasii daražej za Alimpijadu
Ahulnyja straty sumarnaj kapitalizacyi rasiejskich kampanijaŭ skłali 2 trłn rubloŭ.
Pra heta śviedčać tarhi na fondavym i tavarnym rynku.
«Heta na 500 młrd bolš, čym košt Alimpijady», - pišuć rasijskija karystalniki Twitter.
Jak viadoma, Centralny bank Rasiei pavysiŭ bazavuju pracentnuju staŭku ŭ paniadziełak na 1,5 pracentnaha punkta — da 7%, paśla taho, jak rubiel źniziŭsia da rekordna nizkaha ŭzroŭniu.
Centrabank zajaviŭ, što jaho rašeńnie źjaŭlajecca adkazam na ŭsplesk vałacilnaści na finansavych rynkach. Indeks rasijskaj fondavaj biržy RTS upaŭ na 10,5%.
Rubiel, jaki ŭpaŭ amal na 10% u hetym hodzie ŭ adnosinach da dalara, źniziŭsia ŭ paniadziełak da 50 rubloŭ za jeŭra. Padzieńnie nižej za 36,4 da dalara ZŠA taksama stała rekordam.
Ceny na syravinnyja tavary vyraśli da samaha vysokaha ŭzroŭniu amal za šeść miesiacaŭ, pakolki supraćstajańnie va Ukrainie ŭzmacniła strachi, što pastaŭki enierhanośbitaŭ i sielskahaspadarčaj pradukcyi mohuć być parušanyja.
Vyjšaŭ na svabodu 76-hadovy Siamion Dobkin, brat zasnavalnika EPAM7
Vyjšaŭ na svabodu 76-hadovy Siamion Dobkin, brat zasnavalnika EPAM
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1414
Kamientary