Śviet1515

«Raspradajuć Rasiju»: rasijskaja birža abvaliłasia, zatoje nafta daražeje

Padziei va Ukrainie abvalili kaciroŭki najbujniejšych rasijskich kampanij: VTB, Aščadbank, «Hazprom», FSK JEES patańnieli na 15-23%; CB utrymlivaje kurs rubla ad abvału masiravanymi interviencyjami.

Rasijski fondavy rynak u paniadziełak adkryŭsia imklivym padzieńniem kacirovak i asnoŭnych indeksaŭ.

Pa dadzienych Maskoŭskaj biržy, kali rynak źnizicca jašče na 3% (padzieńnie składzie 15% z adkryćcia pa indeksie MMVB), to tarhi buduć prypynienyja na 30 chvilin, kali na 25% — heta da kanca dnia.

Na Łondanskaj fondavaj biržy indeks FTSE 100 upaŭ na 1,19 %, tady jak indeks rasijskich kampanij FTSE Rasija IOB ŭpaŭ na 10,5%.

Dalar na adkryćci tarhoŭ vyras na 86 kap., da 36,75 rasijskaha rubla, abnaviŭšy piacihadovy minimum,

jeŭra pavialičyŭsia na 1,24 rub., da 50,82 rub. Da 16:32 maskoŭskaha času kurs dalara kaštavaŭ 36,55 rub, jeŭra — 50231 rub.

Naftu marki Brent padaražeła na 2,67%, da $ 111,98 za barel. WTI padaražeła na 2,09 %, da $ 104,73 za barel. Cana zołata vyrasła na 1,76 %, da $ 1344,8 za trojskuju uncyju, srebra - na 1,22 %, da $ 21,50. Syravina padaražeła da maksimumu amal za šeść miesiacaŭ, pakolki eskałacyja napružanaści va Ukrainie vyklikaje apasieńni ab mahčymych pierabojach pastavak, pieradaje ahienctva Bloomberg.

Patańnieli akcyi «Hazproma» ( -14,56 %), VTB ( -18,82 %), «Hazprom nafty» ( -8,71 %), «Łukojłu» (-10, 05 %),

«Novateka» (-14,42 %), «Narnikiela» (-6,19 %), « Polus zołata» ( -9,29 %), «Rasnafty» (-7,62 %), «Rastelekamu» (-13,89 %), Aščadbanka Rasii (-17,09 %), FSK JEES (-23,69 %). Indeksnaja kapitalizacyja rasijskaha fondavaha rynku pa MMVB źniziłasia na 2,1 trłn rub. u paraŭnańni ź piatnicaj, da 18,4 trłn.

Pa źviestkach Maskoŭskaj biržy, abjom tarhoŭ papierami, uklučanymi ŭ indeks MMVB, skłaŭ za pieršyja 1,5 hadziny tarhoŭ 27,19 młrd rub. — bolš za pałovu abjomu za ŭvieś handlovy dzień piatnicy (49,92 młrd rub.).

Pa słovach trejdara bujnoha rasijskaha banka, siońnia pastupajuć tolki zamovy na prodaž kaštoŭnych papier:

«Spracoŭvajuć stop-łosy, prosta raspradajuć Rasiju, jašče šorciać ( pradajuć papiery, jakich niama ŭ najaŭnaści,kab potym ich adkupić i zarabić na hetym)», — raspaviadaje jon. «Padziei ŭ Krymie znachodziacca ŭ centry ŭvahi suśvietnaj inviestycyjnaj supolnaści, što robić Maskoŭskuju biržu samaj haračaj kropkaj na mapie fondavych rynkaŭ», — zaŭvažaje hałoŭny strateh «Urałsib Kepitał» Viačasłaŭ Smaljaninaŭ.

Kamientary15

U Varšavie zatrymali byłoha palitviaźnia Ihara Bancara — heta jon pryjšoŭ u Ministerstva siamji sa zbrojaj22

U Varšavie zatrymali byłoha palitviaźnia Ihara Bancara — heta jon pryjšoŭ u Ministerstva siamji sa zbrojaj

Usie naviny →
Usie naviny

Łukašenka zajaviŭ, što Ukraina zdymała z frontu samyja bajazdolnyja častki i adpraŭlała ich na miažu Biełarusi5

Jeŭrasajuz spyniaje zakupki mebli ź Biełarusi5

Na «Słavianskim bazary» pa danosie zatrymali dziaŭčynu z tatuiroŭkaj «ch*j vajnie»14

Ksiondz Andžej Juchnievič: Mianie mohuć za heta sudzić, ale ja chaču publična vykazać salidarnaść z bratami-ŭkraincami5

U Biełaviežskaj puščy małanka razarvała 200-hadovy dub VIDEA1

Rasija vykarystoŭvaje dla pieravozu piachoty holf-kary i biełaruskija matacykły. Ad hetaha straty rastuć11

Alimpijadu-2024 u Biełarusi nie pakažuć7

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju14

Žychary Mazyra stali ŭ hihanckuju čarhu, kab padzaradzić telefony VIDEA5

bolš čytanych navin
bolš łajkanych navin

U Varšavie zatrymali byłoha palitviaźnia Ihara Bancara — heta jon pryjšoŭ u Ministerstva siamji sa zbrojaj22

U Varšavie zatrymali byłoha palitviaźnia Ihara Bancara — heta jon pryjšoŭ u Ministerstva siamji sa zbrojaj

Hałoŭnaje
Usie naviny →