Žychary Ukrainy mohuć vystupić kadravym reziervam pry stanaŭleńni terytoryj apieradžalnaha raźvićcia na Dalokim Uschodzie. Pra heta paviedamiŭ žurnalistam ministr raźvićcia Dalokaha Uschodu Alaksandr Hałuška.
Pavodle jaho słoŭ, Daloki Uschod pavinien raźvivacca apieradžalnymi tempami pry maštabnym pryciahnieńni inviestycyj. Ale adnym sa strymlivajučych faktaraŭ źjaŭlajecca niedachop pracoŭnych resursaŭ. «U ministerstvie padčas ekśpiertnych abmierkavańniaŭ takija varyjanty razhladalisia jašče zadoŭha da padziej, jakija zaraz adbyvajucca na Ukrainie», — skazaŭ Hałuška.
Ministr patłumačyŭ, na jakich faktach hruntujecca pazicyja viedamstva. Jon adznačyŭ, što «pakul VUP na dušu nasielnictva na Ukrainie nie dasiahnuŭ navat savieckaha ŭzroŭniu i treba adšturchoŭvacca nie ad łakalnych vostrych padziej, a zychodzić z doŭhaterminovych ustojlivych tendencyj u dačynieńni da Ukrainy».
«Vidavočny plus pryciahnieńnia žycharoŭ Ukrainy (u paraŭnańni z hramadzianami inšych krain) składajecca ŭ tym, što na Dalokim Uschodzie źjaviacca ludzi biez moŭnaha, mientalnaha i kulturnaha barjeraŭ», — rastłumačyŭ ministr.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary