Nočču 3 sakavika na sajcie administracyi prezidenta Abamy była raźmieščana ahulnaja zajava krain G7 da Rasii, u jakim siarod inšaha havorycca pra ich admovu ad padrychtoŭcy da samitu «vaśmiorki» u Sočy da narmalizacyi situacyi va Ukrainie.
U zajavie, zroblenaj ad lidaraŭ usich krain «siamiorki» — Kanady, Francyi, Brytanii, Hiermanii, Italii, Japonii i ZŠA, havorycca ab asudžeńni dziejańniaŭ Rasii — «vidavočnym parušeńni suvierenitetu i terytaryjalnaj cełasnaści Ukrainy».
Lidary hetych krain zaklikali Maskvu jak da pramych pieramovaŭ z Kijevam, tak i z pryciahnieńniem mižnarodnych pasiarednikaŭ — AAN i ABSIE, što pa sutnaści paŭtaraje dasiahnutyja niekalkimi hadzinami raniej damoŭlenaści pamiž prezidentam Pucinym i kancleram Mierkiel.
Pa sutnaści heta pieršy raz z kanca 1990-ch, kali krainy siamiorki pazicyjanujuć siabie znoŭ jak asobny kłub — biez Rasii. Rasijskija lidary pačali prymać udzieł u sustrečach «siamiorki», jakaja zatym stała «vaśmiorkaj», z 1997 hoda. Važna pry hetym padkreślić, što «vaśmiorka» — nieaficyjny kłub vialikich dziaržaŭ, u jakoha niama farmalnaha statutu i adkul nielha vyklučyć.
Kamientary