Dvuchrazovy srebny pryzior Alimpijady-2012 pa płavańni Alaksandra Hierasimienia pavinšavała Darju Domračavu ź pieršym biełaruskim załatym miedalom Sočy-2014.

«Daša, ja zaŭsiody ličyła ciabie adnoj z samych vialikich spartsmienak u śviecie, i siońniašniaja honka stała bliskučym prykładam hetamu. Niaciažka ŭjavić, kolki biełarusaŭ pieražyvała za ciabie ŭ hety viečar.

Skažu tolki, što papiaredniuju honku ja hladzieła ŭ Hrozaŭskim dziciačym domie razam ź viadomymi tabie spartsmienami i ŭ supravadžeńni vialikaj kolkaści prostych zaŭziataraŭ. Paśla jaje zakančeńnia my adnadušna syšlisia ŭ tym, što zrabiŭšy minimalnuju kolkaść dapuščalnych promachaŭ ty abaviazkova stanieš čempijonkaj — užo vielmi dobraja stupień tvajoj funkcyjanalnaj hatoŭnaści.

Ty vydatna papracavała, i hety miedal staŭ dastojnaj płataj za sapraŭdy tytaničnuju pracu.

Adrazu paśla finišu na moj telefon abrynuŭsia vał zachoplenych zvankoŭ, i tamu ja z poŭnym pravam vinšuju ciabie i ad imia ŭsich členaŭ i padapiečnych našaha dabračynnaha prajekta «Mary ździajśniajucca».

Na hety raz spoŭniłasia tvaja mara, da jakoj ty išła ŭsio svajo žyćcio. Daša, heta kruta!!!

Mahu ŭjavić, jaki bambardziroŭcy zaraz padviarhajecca tvoj telefon. Žadaju biełamu Nokia stojkaści i hihanckaha zapasu batarei! A jaho ŭładalnicy ŭdałaha praciahu vystupaŭ — upeŭnienaja, heta budzie tvaja Alimpijada!

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?