Śviet1717

Staŭ pierad «Bierkutam», kab nie stralali: znajšoŭsia śviedka zabojstva Michaiła Žyźnieŭskaha ŭ Kijevie VIDEA

Tym časam jak ukrainskaja milicyja i prakuratura dahetul nie mohuć vyjavić śviedkaŭ zabojstva z ahniastrelnaj zbroi biełarusa Michaiła Žyźnieŭskaha, žurnalisty kijeŭskaha telekanała «1+1» praviali svajo rasśledavańnie i znajšli aktyvista Majdana, jaki byŭ ź Michaiłam u apošnija chviliny žyćcia i ŭsio bačyŭ na svaje vočy.

Žurnalisty zapisali intervju z Tarasam Kabielakam, siabrom Michaiła Žyźnieŭskaha, jaki byŭ ź im u adnym šerahu padčas sutyčak sa śpiecnazam 22 studzienia na vulicy Hrušeŭskaha ŭ Kijevie i jaki bačyŭ jak kula trapiła ŭ serca biełarusa.

Taras Kabielak ciapier znachodzicca va Ukrainskim domie razam ź inšymi mitynhoŭcami. Jon raspavioŭ: «22 studzienia nas abudzili ranicaj, my vystupili 10 čałaviek, išli z dvuma draŭlanymi ščytami. I kali prybiehli na vulicu Hrušeŭskaha, to stali ŭ pieršym šerahu».

Paśla viestki pra śmierć pieršaj achviary sutyčak Siarhieja Nihajana, jaki byŭ zabity kala 6-j ranicy, siarod mitynhoŭcaŭ była razhublenaść. Heta vykarystaŭ «Bierkut», jaki pajšoŭ u ataku i zaniaŭ dy pačaŭ raźbirać barykady mitynhoŭcaŭ. Ale kali z Majdana Niezaležnaści padyšła dapamoha, «Bierkut» adyšoŭ nazad.

Kali «Bierkut» adstupiŭ, mitynhoŭcy vyrašyli zaniać staryja pazycyi, siarod ich u pieršym šerahu byli Žyźnieŭski z Kabylakam. Apošni praciahvaje raspovied: «U toj momant, kali jany adstupili za aŭtobusy, my pajšli hierojami z krykami, z vokličami, pabiehli za imi…

I Miša pajšoŭ, staŭ pamiž dvuma aŭtobusami, zakryŭ dzirku, kab adtul nie stralali».

Draŭlany ščyt dobra abaraniaŭ ad humovych kul, ale raptam Michaił Žyźnieŭski ŭpaŭ na vulicu Hrušeŭskaha.

«I ŭ troch mietrach, kali pačali hranaty šaški, vystrały, ja ŭbačyŭ, što jon upaŭ. My padbiehli, padbiehi lekary i zabrali jaho ŭ miedpunkt… Cieła padała śpinaj nazad u bok Ukrainskaha doma… U ščycie była vialikaja dzirka. Kula prylacieła ź ich boku»,— raspavioŭ Taras Kabiałka.

Pavodle rekanstrukcyi tych padziej, zroblenaj žurnalistami «1+1», mietaličnaja kula prylacieła ŭ Michaiła Žyźnieŭskaha z boku šerahaŭ śpiecnaza.

Pra heta ž śviedčyć i doktar Ihar Ilkiŭ, jaki pieršym ahledzieŭ ranu Michaiła i jaki taksama daŭ intervju zajaviŭ «1+1».

Žurnalisty taksama pahutaryli sa śpiecyjalistami ŭ halinie zbroi, jakija zaśviedčyli im, što ŭ strelby 12 kalibru, jakija jość na ŭzbrajeńni «Bierkuta» i ź jakich prystasavanyja pad humovyja kulami, možna stralać i mietaličnaj karciečču, jakoj byli zabityja Žyźnieŭski i Nihajan.

Pavodle Ihara Ilkiva, lekara Majdana, 22 studzienia było šmat paranienych, kantužanych, atručanych hazami, — usiaho 159 paranienych.

Kala 9-j ranicy ŭ miedyčny punkt zanieśli biełarusa Michaiła Žyźnieŭskaha, praz paŭhadziny Ilkiŭ zafiksavaŭ jahonuju bijałahičnuju śmierć. Treci zabity kulaj Raman Senik jašče niekalki dzion zmahaŭsia za žyćcio, ale taksama pamior.

Pradstaŭniki MUS Ukrainy zajaŭlajuć, što śviedčańniaŭ zabojstva mitynhoŭcaŭ u ich niama. Pradstaŭniki praŭładnaj Partyi rehijonaŭ zajaŭlajuć, što 22 studzienia cieły zabitych mahli prynieści adniekul na vulicu Hrušeŭskaha.

Kamientary17

FBR nazvała imia taho, chto stralaŭ u Trampa18

FBR nazvała imia taho, chto stralaŭ u Trampa

Usie naviny →
Usie naviny

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA1

Paźniak pierakanany, što ŭ druhim tury vybaraŭ-1994 pieramoh by Łukašenku121

Miesiacy karcaru i dva z pałovaj hady biez sonca. Jak małady minčuk prajšoŭ praz kałoniju i krytuju turmu5

Novyja Patriot i SAMP/T nie zmohuć abaranić Charkaŭ, Sumy, Mikałajeŭ i Čarnihaŭ — analityki

bolš čytanych navin
bolš łajkanych navin

FBR nazvała imia taho, chto stralaŭ u Trampa18

FBR nazvała imia taho, chto stralaŭ u Trampa

Hałoŭnaje
Usie naviny →