23 fanaty BATE aryštavany za akcyju salidarnaści z Ukrainaj
U dačynieńni da ŭsich 23 ŭsich fanataŭ barysaŭskaha futbolnaha kłuba, što zaśviacilisia na fatazdymku z akcyi ŭ padtrymku Jevromajdana, vyniesienyja sudovyja pastanovy ab administracyjnym aryšcie, paviedamlaje fanacki resurs belutras.by.
«Taksama ŭ milicyju vyklikajuć mnohich chłopcaŭ, jakija nie majuć dačynieńnia da dadzienaj akcyi. Pavodle papiaredniaj infarmacyi, ich vyličyli pa kamierach videanazirańnia. Pierad akcyjaj chłopcy naviedvali hulniu valejbolnaha kłuba BATE. Varta adznačyć, što tvaraŭ fanataŭ BATE na zdymku nie vidać», — adznačajecca ŭ paviedamleńni.
Raniej stała viadoma, što dvoje zaŭziataraŭ kłuba asudžanyja (adzin — na piać sutak, los druhoha nieviadomy) i ŭžo adbyvajuć pakarańnie.
Akramia taho, supracoŭniki milicyi vyklikajuć pradstaŭnikoŭ roznych fanruchaŭ źjavicca dla razmovy. Zvanki ŭžo pastupali fanatam minskaha «Dynama», BATE, «Niomana», «Minska» i inšych kamand. «Dadzienyja sustrečy praktykujucca pierad kožnym pačatkam futbolnaha siezona, ale ŭ hetym hodzie ŭ suviazi z praviadzieńniem čempijanatu śvietu pa chakiei supracoŭniki milicyi pavodziać siabie bolš nastojliva», — adznačaje belultras.by.
Spravy ŭ dačynieńni da barysaŭskich zaŭziataraŭ byli zaviedzienyja za niesankcyjanavanuju akcyju ŭ padtrymku Jeŭramajdana: kala dvuch dziasiatkaŭ fanataŭ stali na vulicy ŭ liniju z transparantami «Trymajsia, Ukraina! My z vami» i «Hierojam słava», a taksama bieł-čyrvona-biełym ściaham. Zdymak z zaretušavanymi tvarami byŭ raźmieščany ŭ internecie.
Apytanka
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary