Urad Biełarusi pryniaŭ pastanovu №67 ad 24 studzienia 2014 hoda, sutnaść jakoj zvodzicca da nacyjanalizacyi AAT «Baranavičydreŭ».
«Pryniać biazvypłatna ŭ 2014 hodzie ŭ respublikanskuju ŭłasnaść 5810 prostych (zvyčajnych) akcyj AAT «Baranavičydreŭ», jakija znachodziacca ŭ haspadarčym rasparadžeńni vytvorča-handlovaha pryvatnaha ŭnitarnaha pradpryjemstva «Ivan», i 16 876 prostych (zvyčajnych) akcyj nazvanaha AAT, jakija znachodziacca va ŭłasnaści zakrytaha akcyjaniernaha tavarystva «Biełciažmaš», naminalnaj canoj 1600 rubloŭ na ahulnuju sumu 36 297 600 rubloŭ», — havorycca ŭ dakumiencie.
Faktyčna havorka idzie ab biazvypłatnaj pieradačy va ŭłasnaść dziaržavy 35,1% statutnaha fondu «Baranavičydreva». Uličvajučy, što 48% akcyj pradpryjemstva i tak znachodzicca va ŭłasnaści dziaržavy ŭ asobie Minbudarchitektury, to dziaržava atrymlivaje poŭny kantrol nad pradpryjemstvam.
Astatnija 16 ź lišnim adsotkaŭ akcyj znachodziacca va ŭłasnaści fizičnych asob.
U pastanovie Saŭmina adsutničajuć ukazańni na pryčyny biazvypłatnaj kanfiskacyi akcyj u ciapierašnich uładalnikaŭ, adnak dadzienaje rašeńnie ŭładaŭ całkam adpaviadaje tendencyjam pa adnaŭleńni «uładalnickaj spraviadlivaści».
«My dla ich — miasa». Palitviazień vyjšaŭ ź miełanomaj treciaj stadyi, jon ŭskładaje vinu na načalnicu sančaści i prymusovaje haleńnie hałavy3
Kamientary