U Viarchoŭnuju Radu Ukrainy uniesieny zakonaprajekt, jaki prapanuje vyzvalać asudžanych ad adbyćcia pakarańnia pa stanie zdaroŭja. Dakumient byŭ raźmieščany ŭ sieradu na sajcie parłamienta.

Aŭtary zakonaprajekta — narodnyja deputaty z frakcyi «Baćkaŭščyna» Juryj Adarčanka i Ściapan Kurpil. Jany prapanujuć daterminova vyzvalać asudžanych, jakija adbyli bolš za čverć pryznačanaha terminu pakarańnia, ale pry hetym bolš za pałovu hetaha terminu znachodzilisia na stacyjanarnym lačeńni.

U toj ža čas u dakumiencie adznačajecca, što dziejańnie hetaj normy nie raspaŭsiudžvajecca na fihurantaŭ spraŭ ab zabojstvie, raspaŭsiudzie narkotykaŭ, a taksama złačynstvaŭ suprać miru i biaśpieki čałaviectva.

U vypadku pryniaćcia hetaha zakona, jaho normy mohuć być užytyja dla vyzvaleńnia eks-premjer-ministra Julii Cimašenki.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?