U čakańni łaŭreata Nobiela pa litaratury sprava niezaležnaha vydaviectva adyšła na druhi płan.
Kali źjaviłasia navina pra toje, što ŭ Ihara Łohvinava zabirajuć licenziju na vydavieckuju dziejnaść, internet zakipieŭ. Kaniečnie, pačalisia narakańni na «palicejskuju dziaržavu». Prahučali i słovy padtrymki.
Niechta zaklikaŭ pisać listy ŭ Ministerstva infarmacyi i vykazvać svaju niezadavolenaść rašeńniem viedamstva. Jak varyjant, kab nie siadzieć, skłaŭšy ruki. Inšyja ž ličać razumnym u takoj situacyi pačakać nastupnaha kroku uładaŭ.
Rezanans, kaniečnie, patrebny, kab praciahnuć da prablemy najbolš ludziej. Tolki rozhałas moža źmianić situacyju. Praŭda, «kipieńnie» skončyłasia chutka. Navat u internecie.
Maralnaja padtrymka – vydatna. Ale zrazumieła, što hetaha nie dastatkova. Jak kažuć, śviatym ducham syty nie budzieš.
Bo vidavočna, biez pracy paŭstanie pytańnie ź fizičnym vyžyvańniem kankretnych ludziej. Łohvinaŭ šmat dobraha zrabiŭ dla biełaruskaj knihi. I aŭtary, napeŭna, znojduć mahčymaść adździačyć vydaŭcu ŭ ciažkuju chvilinu. Ale dapamahčy supracoŭnikam vydaviectva mohuć i inšyja. Rublom.
Kliknicie ŭ internecie na staronku virtualnych kniharniaŭ, kab zamović vydańni «Łohvinava». Ale nie abmiažoŭvajciesia tolki internet-prastoraj. Jość ža kniharni, dzie pradajucca knihi vydaviectva. I kaniečnie ž, prychodźcie na prezientacyi knih, jakija paśpieli vyjści. Tak my zmožam pakazać, što nam nieabyjakavy los vydaviectva.
***
15 kastryčnika. Adam Hłobus prezientuje «Kazki dla darosłych». Udzieł u imprezie voźmie Uładzimir Arłoŭ. Pačatak a 19.00. Uvachod volny (pr-t Niezaležnaści, 37a).
18 kastryčnika. «Biełaruskaja litaratura na parozie suśvietnaha pryznańnia». Artur Klinaŭ, Natałka Babina, Valancin Akudovič i Pavieł Kaściukievič raskažuć pra vydańnie biełaruskich knižak u zamiežnych pierakładach.
Kamu treba biełaruskaja litaratura za miažoj? Chto jaje čytaje? Jakija temy cikaviać zamiežnikaŭ? Jak papularyzavać biełaruskuju prozu i paeziju ŭ Jeŭropie? Maderatar sustrečy – Alhierd Bacharevič. Pačatak a 19.00 (pr-t Niezaležnaści, 37a).
Byłaja žonka Kamisaranki raskazała, čamu schavała ad jaho svajo minułaje vebkam-madeli4
Kamientary