U studzieni — žniŭni 2013 h. valutnaja vyručka Biełarusi skaraciłasia na 16,8% u paraŭnańni z anałahičnym pieryjadam minułaha hoda.
Za pieršyja vosiem miesiacaŭ valutnaja vyručka Biełarusi skłała 29,69 młrd dalaraŭ i źniziłasia ŭ paraŭnańni z anałahičnym pieryjadam minułaha hoda na 5 młrd 987,9 młn dalaraŭ.
U tym liku pastupleńni ad ekspartu tavaraŭ skłali 24,46 młrd dalaraŭ i skaracilisia na 21,5% u paraŭnańni sa studzieniem — žniŭniem 2012 hoda.
Valutnyja pastupleńni ad ekspartu pasłuh skłalisia ŭ studzieni-žniŭni na ŭzroŭni 4,29 młrd dalaraŭ i pavialičylisia na 15,4% u paraŭnańni z anałahičnym pieryjadam minułaha hoda. Vyručka ad unutranaha handlu za valutu skłała 485,1 młn dalaraŭ i pavialičyłasia na 9,9%.
Varta adznačyć, što asobna ŭ žniŭni valutnaja vyručka Biełarusi skłała 3,66 młrd. dalaraŭ i źniziłasia na 17% u paraŭnańni z žniŭniem minułaha hoda.
Pry hetym u paraŭnańni ź lipieniem vyručka skaraciłasia na 338,2 młn. dalaraŭ, što abumoŭlena źnižeńniem valutnaj vyručki (ad ekspartu tavaraŭ) staličnych arhanizacyj.
Jak paviedamlałasia raniej, sioleta nazirajecca značnaje źnižeńnie biełaruskaha tavarnaha ekspartu. Tak, u studzieni — žniŭni, pavodle papiarednich dadzienych Biełstata, jon skłaŭ 25,65 młrd dalaraŭ i skaraciŭsia na 22,4% u paraŭnańni z anałahičnym pieryjadam minułaha hoda.
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści15
Kamientary