21 vieraśnia (subota) Studenckaje etnahrafičnaje tavarystva i Dziaržaŭny litaraturny muziej Janki Kupały zaprašajuć u Viazynku (Maładziečanski rajon) adznačyć tradycyjnaje vosieńskaje śviata «Bahač».
U biełaruskim kalendary «Bahač» prymierkavany da zakančeńnia zboru ŭradžaja («k hetamu času ŭ kožnaha ŭsiaho bahata») i pieršamu zapalvańniu chatniaha ahmieniu — vaskovaj śviečki ŭ łubcy z žytam, jakuju staviać na pokuć i zachoŭvajuć tam na praciahu ŭsiaho hoda, što prynosić u dom bahaćcie i ščaście. Hetyja nadzvyčaj važnyja i pryhožyja rečy i natchniajuć na praviadzieńnie śviata.
Na śviacie vystupiać śpieŭnyja i instrumientalnyja hurty «Horyń», Dainava, Guda, «Kudmień», «Rada», «Na Taku», dla dziaciej i darosłych projduć raznastajnyja majstar-kłasy pa ramiostvach. Taksama budzie pracavać hulniavaja placoŭka, kirmaš.
Padčas śviata možna budzie pakaštavać stravy tradycyjnaj kuchni i patancavać.
Pačatak a 12-j.
Jak dajechać: elektryčka ź Minska jedzie ŭ 10.50 (nastupnaja ŭ 11:53), prybyvaje ŭ Viazynku ŭ 11.42. Nazad ź Viazynki možna jechać u 16.07, 16.45, 17.57.
Udzieł u śviacie volny, ale dla ŭvachodu na terytoryju muzieja treba budzie kupić kvitok. Cana ŭvachodnaha kvitka 10 000, studentam 7 000, školnikam 5 000.
Kantakt: 8-029-842-57-89 (Nasta)
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj34
Kamientary