U lipieni siaredni zarobak u śfiery dziaržkiravańnia skłaŭ 7,59 młn. rubloŭ i pavialičyŭsia ŭ paraŭnańni z červieńskim pakazčykam (5,3 młn. rubloŭ) na 43,1%.

Dla paraŭnańnia: pavodle źviestak Biełstata, naminalny naličany siaredniamiesiačny zarobak pa krainie ŭ lipieni skłaŭ 5,45 młn. rubloŭ i pavialičyŭsia ŭ paraŭnańni z červieniem na 5,6%.

Da lipienia siaredni zarobak rabotnikaŭ orhanaŭ dziaržkiravańnia pavialičvaŭsia pastupova, pra što śviedčać źviestki aficyjnaj statystyki. Tak, u studzieni hety pakazčyk składaŭ 4,61 młn. rubloŭ, u lutym — 4,69 młn., sakaviku — 4,83 młn., krasaviku — 5,26 młn., mai — 4,98 młn., červieni — 5,3 młn. rubloŭ.

Značny rost zarobkaŭ u dziaržorhanach ŭ lipieni šmat u čym abumoŭleny skaračeńniem kolkaści dziaržaŭnych słužačych.

Jak paviedamiŭ vysokapastaŭleny supracoŭnik orhanaŭ dziaržkiravańnia, pad skaračeńnie trapili kala 30% dziaržsłužačych. «Adpaviedna, na hetuju ž vieličyniu byli pavialičanyja i zarobki pazastałym rabotnikam», — adznačyŭ surazmoŭca.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?