BiełTA

BiełTA

Alaksandr Łukašenka 9 vieraśnia sustreŭsia z hienieralnym sakratarom Arhanizacyi Damovy ab kalektyŭnaj biaśpiecy Mikałajem Bardziužam.

Na sustrečy abmiarkoŭvalisia pytańni padrychtoŭki da majučaj adbycca 23 vieraśnia ŭ Sočy siesii Savieta kalektyŭnaj biaśpieki ADKB, a taksama biełaruska-rasijskich sumiesnych stratehičnych vučeńniaŭ «Zachad-2013» .

Siarod inšaha, Łukašenka padkreśliŭ, što chacieŭ by pačuć mierkavańnie Mikałaja Bardziužy, a taksama kiraŭnikoŭ dziaržaŭ, ź jakimi toj sustrakaŭsia, ich reakcyju na ŭsie aktualnyja prablemy.

Łukašenka padkreśliŭ: «U apošni čas u nas zanadta šmat infarmacyjnych i inšych padstaŭ u biełaruska-rasijskich adnosinach.

Ja hatovy abmierkavać z vami pytańni, jakija mohuć uźnikać u suviazi z hetym, bo apošni miesiac vyjšaŭ užo zanadta burny ŭ našych adnosinach, masa nieparazumieńniaŭ u hetym płanie, i ja chacieŭ by vas prainfarmavać i pačuć vašy acenki».

Mikałaj Bardziuža detalova prainfarmavaŭ Alaksandra Łukašenku ab padrychtoŭcy da samitu ADKB u Sočy.

Pavodle jaho słoŭ, u cełym paradak dnia ŭžo padrychtavany. U pryvatnaści, na razhlad prezidentaŭ płanujecca vynieści niekalki vielmi važnych pytańniaŭ, jakija datyčacca raźvićcia siłavoha składnika z ulikam situacyi ŭ śviecie.

Miarkujecca, što prezidenty krain — členaŭ Arhanizacyi razhledziać pakiet dakumientaŭ pa raźvićci vajennaha składnika — heta rašeńni i adnosna stvareńnia avijacyjnych sił ADKB, i pa arhanizacyi kiravańnia kalektyŭnymi siłami ADKB.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?