Ekanamičnyja ŭłady inicyjujuć značny rost taryfaŭ na pasłuhi žyllova-kamunalnaj haspadarki ŭ 2014 hodzie. Z takoj prapanovaj vystupili pradstaŭniki ekanamičnych viedamstvaŭ u miežach pracy pa padrychtoŭcy prahnozu sacyjalna-ekanamičnaha raźvićcia na 2014 hod.

Pamier pakryćcia nasielnictvam koštu žyllova-kamunalnych pasłuh (ŽKP) na praciahu hoda płanujecca davieści da ŭzroŭniu nie mienš jak 30%.

Miarkujecca, što rost taryfaŭ na žyllova-kamunalnyja pasłuhi stanie adnoj ź mier pa źviazvańni dadatkovych hrašovych dachodaŭ nasielnictva. Pavodle acenak viedamasnych śpiecyjalistaŭ, u 2013 hodzie siaredniaja zarpłata składzie 561 dołar, a ŭ 2014-m — vyraście da 625 dołaraŭ.

Nahadajem, zaćvierdžanaja Prahrama sacyjalna-ekanamičnaha raźvićcia na 2011–2015 hady praduhledžvaje, što ŭzrovień pakryćcia nasielnictvam raschodaŭ na pasłuhi žyllova-kamunalnaj haspadarki ŭ 2015 hodzie składzie nie mienš jak 60%.

Jak paviedamiŭ u lipieni ministr žyllova-kamunalnaj haspadarki Alaksandr Šorac padčas «pramoj linii» ŭ haziecie «Źviazda», ciapier nasielnictva pakryvaje 16,3% koštu pasłuh, što akazvajuć žyllova-kamunalnyja arhanizacyi.

Raniej Minfin paviedamlaŭ, što pa ŭsim kompleksie žyllova-kamunalnych pasłuh, uklučajučy pasłuhi enierhietykaŭ (ciepłazabieśpiačeńnie ad ciepłavych krynic DVA «Biełenerha», a taksama haza- i elektrazabieśpiačeńnie), nasielnictva ŭ 2012 hodzie pakryvała prykładna 22% ad raschodaŭ.

Varta adznačyć, što da hetaha času źjaviłasia prapanova, jakaja dazvalaje nie ŭličvać rost taryfaŭ na žyllova-kamunalnyja pasłuhi pry raźliku inflacyi, jakuju ekanamičnyja ŭłady płanujuć u 2014 hodzie źnizić.

«Ujaŭlajecca mahčymym vynieści źmianieńnie hetych taryfaŭ za miežy raźličanaha orhanami statystyki indeksu spažyvieckich cen, jaki prymianiajecca ŭ jakaści pakazčyku inflacyi», — adznačyŭ pieršy namieśnik dyrektara Navukova-daśledčaha ekanamičnaha instytuta (NDEI) Minekanomiki Viktar Pinihin u svaim artykule, pryśviečanym padrychtoŭcy prahnozu sacyjalna-ekanamičnaha raźvićcia na 2014 hod i apublikavanym ŭ lipieńskim numary «Ekonomičieskoho biulletienia», jaki vydaje NDEI.

Miž tym biełaruskija ekanamisty, apytanyja BiełaPAN, miarkujuć, što vyklučać pry raźliku indeksu spažyvieckich koštaŭ dynamiku źmianieńnia taryfaŭ na ŽKP niekarektna.

«Va ŭsich krainach ličycca, što indeks spažyvieckich cen — hałoŭny pakazčyk dla adlustravańnia koštu žyćcia nasielnictva, bo jon zasnavany na spažyvieckim košyku. Kali my z košyka štości vyklučajem, inflacyja pierastaje vykonvać svaju klučavuju funkcyju — adlustroŭvać košt žyćcia», — miarkuje ekanamist Biełaruskaha ekanamičnaha daśledča-adukacyjnaha centra (BEROC) Dźmitryj Kruk.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?