Inicyjatar kampanii Aleh Korban. Fota Nastaśsi Chrałovič.

Inicyjatar kampanii Aleh Korban. Fota Nastaśsi Chrałovič.

List na imia inicyjatara, Aleha Korbana, prysłaŭ namieśnik staršyni mienskaha harvykankamu, kiraŭnik praŭładnaj kampartyi Ihar Karpienka.

Spadar Karpienka paviedamlaje, što ŭ adpaviednaści z zakanadaŭstvam pomniki vybitnym dziejačam ustaloŭvajucca na padstavie zaklučeńniaŭ Ministerstva kultury i paśla ŭzhadnieńnia z Alaksandram Łukašenkam dy vyznačeńnia krynic finansavańnia.

Mienski navukova-daśledčy instytut sacyjalna-ekanamičnych prablem raspracavaŭ navukovuju kancepcyju, u suviazi ź jakoju ŭ Miensku zaplanavanyja da ŭstalavańnia ŭ 2012–2017 hadach kankretnyja tvory manumentalnaha i manumentalna-dekaratyŭnaha mastactva.

«Hetaj kancepcyjaj nie praduhledžanaja ŭstanoŭka ŭ Miensku pomnika K. Kalinoŭskamu. Adnak, prymajučy da ŭvahi nieadnarazovyja zvaroty hramadzian pa hetym pytańni, instytutu daručana dać zaklučeńnie ab metazhodnaści ŭstalavańnia takoha pomnika ŭ horadzie Miensku», — napisaŭ Karpienka.

Zvarot u harvykankam ab ustalavańni pomnika Kalinoŭskamu byŭ nakiravany 9 lipienia. Aktyvisty dasłali listy kiraŭniku Mienskaha harsavietu deputataŭ, ministru kultury, staršyni Mienharvykankamu.

Usiaho było sabrana 4000 podpisaŭ za pomnik Kalinoŭskamu ŭ Miensku, 3500 ź ich byli pasłanyja ŭładam.

Kampaniju źbirańnia podpisaŭ siarod žycharoŭ Miensku za budoŭlu pomnika lideru nacyjanalna-vyzvolnaha paŭstańnia 1863–1864 hadoŭ Kastusiu Kalinoŭskamu praviali aktyvisty hramadzkaj arhanizacyi «Alternatyva». Jany ž i prapanavali miesca budučaha pomnika: skver, jaki pačynajecca z vulicy Kalinoŭskaha, pobač z praspektam Niezaležnaści. Pablizu — Uschodnija mohiłki, dzie pachavanyja dziejačy biełaruskaj kultury, štohod tut prachodzić šeście ŭ Kurapaty.

Aktyvisty zaznačajuć dobraje staŭleńnie žycharoŭ Miensku da ichniaj inicyjatyvy. Ludzi viedajuć, chto taki Kalinoŭski, razumiejuć važnaść paŭstańnia pad jahonym kiraŭnictvam.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?