Prahrama telekanała STV na 6 lipienia, u jakoj zapłanavana tranślacyja finalnaha šou konkursu «Mis Minsk — 2013», zastajecca bieź źmienaŭ, paviedamiła BiełaPAN pres-sakratar kanała Anastasija Savickaja. «Ja kamientavać ničoha nie budu, — skazała pres-sakratar. — Prahrama STV nie źmianiłasia».

Raniej roznyja krynicy ŭ internecie paviedamili, što tranślacyja finalnaha šou moža być źniata z prahramy ŭ suviazi sa skandałam, jaki zdaryŭsia paśla konkursu. U internecie rastyražavany pikantnyja fota pieramožnicy konkursu Jany Kancavienki. Jak vynikaje ź infarmacyi, raźmieščanaj u sacyjalnych sietkach, druhaja vice-mis Natalla Bašura pracuje go-go-tancoŭščycaj, a ŭładalnica tytuła «Mis družba» Kaciaryna Vojtus — stryptyzioršaj.

Savickaja admoviłasia adkazvać i na pytańnie, zhodna ź jakimi praviłami prachodziŭ adbor na konkurs «Mis Minsk — 2013», a taksama ci było ŭ ich, jak u praviłach praviadzieńnia nacyjanalnaha konkursu «Mis Biełaruś», vyznačana, što da ŭdziełu ŭ konkursie nie dapuskajucca asoby, jakija majuć dačynieńnia da fotavideamateryjałaŭ eratyčnaha abo parnahrafičnaha charaktaru.

«Ja pakidaju situacyju biez kamientaryjaŭ. Takaja pazicyja», — skazała pres-sakratar STV.

Raźmieščanaje ŭ internecie videa kastynhu dazvalaje zrabić vysnovu: arhanizatary konkursu viedali, što dziaŭčaty, jakija prajšli ŭ finał, zarablajuć eratyčnymi tancami.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?