Iryna Jaravaja

Iryna Jaravaja

Pa paviedamleńniach rasijskich ŚMI, deputat Dziarždumy Iryna Jaravaja razam z kalehami pa «Narodnym froncie» ŭ paniadziełak maje ŭnieści na razhlad zakonaprajekt, jaki ŭvodzić kryminalnuju adkaznaść za krytyku dziejnaści vojskaŭ antyhitleraŭskaj kaalicyi.

Pavodle zadumy deputata, prapanavanyja papraŭki zakranuć častki KK «Złačynstvy suprać miru i biaśpieki čałaviectva».

Novy artykuł pad numaram 354.1 budzie nazyvacca «Reabilitacyja nacyzmu».

«Saviecki Sajuz razam ź inšymi krainami antyhitleraŭskaj kaalicyi zmahaŭsia z fašyzmam, i lubyja sproby pa-inšamu interpretavać i acanić rolu i značeńnie Čyrvonaj Armii ŭ hady Druhoj suśvietnaj vajny supiarečać nie tolki histaryčna abjektyŭnym źviestkam, ale i samomu mižnarodnamu pravavomu aktu», — zajaviła Jaravaja.

Jak pišuć «Viedomosti», dakumient praduhledžvaje pakarańnie dla tych, chto admaŭlaje prysud Niurnbierhskaha trybunała, dziejnaść vojskaŭ antyhitleraŭskaj kaalicyi «pa padtrymańni mižnarodnaha miru i biaśpieki», raspaŭsiudžvaje «zaviedama łžyvyja» źviestki ab hetaj dziejnaści, abvinavačvajučy vajskoŭcaŭ u ździajśnieńni złačynstvaŭ, «u tym liku sa štučnym stvareńniem dokazaŭ abvinavačvańnia».

Abvinavačanym u «reabilitacyi nacyzmu» pahražajuć štrafy da 300 tys. rasijskich rubloŭ (81 młn biełaruskich) abo da troch hadoŭ źniavoleńnia; pry vykarystańni słužbovaha stanovišča ci ŚMI štraf uzraście da 500 tys. rub. (135 młn biełaruskich), a termin źniavoleńnia — da piaci hadoŭ.

Rasśledavańniem takich spraŭ zojmiecca Śledčy kamitet Rasii.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?