Pa paŭtara hoda pazbaŭleńnia voli z adterminoŭkaj vykanańnia prysudu za vyrab i zachoŭvańnie narkotykaŭ atrymali pa vyraku suda dvoje homielskich padletkaŭ, 16 i 17 hadoŭ.
Sudovym vyrakam zakončyłasia rasśledavańnie abstavinaŭ ratavańnia adnaho z padletkaŭ, jaki ŭ vieraśni 2012 hoda z rezanymi ranami abiedźviuch ruk sprabavaŭ vyskačyć z akna piataha pavierchu. Pieršapačatkovaja viersija pravaachoŭnikaŭ zvodziłasia da taho, što heta była sproba suicydu, ale ŭ pracesie śledstva vyśvietlilisia inšyja abstaviny zdareńnia.
U vieraśni 2012 hoda padletki sabrali ŭ pole dzikarosłyja kanopli i vyrašyli ich pakuryć, pakul baćkoŭ nie było doma. U adnaho ź ich pry ŭžyvańni narkotyka zakruciłasia hałava, i jon pajšoŭ u vannu, kab umycca, a jaho siabar zastaŭsia ŭ kuchni.
U niejki momant ŭ chłopca pačalisia halucynacyi. Jamu zdałosia, što na kuchni znachodzicca mužčyna, jaki pahražaje jamu nažom. Kab vyratavacca, padletak vyrašyŭ vyskačyć z akna.Pačuŭšy zvon škła, jaho tavaryš vybieh na kuchniu, ubačyŭ, što siabar visić na aknie, i kinuŭsia na dapamohu. Adnak chłopiec, usio jašče zastajučysia pad uździejańniem narkotyka, nie pažadaŭ viartacca ŭ kvateru. U hety čas mima prachodziŭ učastkovy inśpiektar. Ubačyŭšy padletka na aknie, milicyjanier zabieh u kvateru i dapamoh jaho vyratavać.
Za niezakonnyja dziejańni z narkotykami abodva padletki trapili pad sud. Pryhavor nabyŭ zakonnuju moc.
Saša Filipienka raskazaŭ, čamu nie płanuje pisać pa-biełarusku i jak Biełaruś moža stać padarunkam Rasii ŭ vajnie64
Kamientary