Hramadstva3232

U Hłybockim rajonie ŭnačy zamalavali Pahoniu na bałkonie pryvatnaj kvatery

Pradprymalnik Marjan Misievič paviesiŭ Pahoniu na bałkonie svajoj pryvatnaj kvatery ŭ Padśvilli (Hłybocki rajon). Praz tydzień supracoŭniki ŽKH unačy zamalavali hierb, a na haspadara kvatery skłali pratakoł.

Marjan Misievič raspavioŭ, što 5 maja, a 8-j viečara jašče bačyŭ Pahoniu, a 6 maja, a 5-j ranicy jana była zamalavanaja. Kvatera znachodzicca na druhim paviersie, i dla źniščeńnia hierba kamunalnikam, vierahodna, pryjšłosia karystacca aŭtavyškaj. Ale ludzi, jakija žyvuć pobač, ničoha nie bačyli.

6 maja spadara Marjana vyklikała Valancina Palčanka, staršynia pasiałkovaha savieta. Raspytvała pra Pahoniu, ale skazała, što «nie viedaje», chto jaje zamalavaŭ.

Pavodle načalnika Padśvilskaha ŭčastka ŽKH Anatola Zachareviča, pradprymalnik parušyŭ art. 21 č. 13 Kodeksa ab administracyjnych pravaparušeńniach — «Parušeńnie architekturnaha vyrašeńnia fasadaŭ budynkaŭ i zbudavańniaŭ». Hety arhumient kuram na śmiech — u Biełarusi proćma niezakonna pieramalavanych bałkonaŭ i niezakonna zašklonych łodžyj, ale nichto nie čapaje ich haspadaroŭ.

Vidavočna, što palavali mienavita na hierb.

Na pradprymalnika byŭ składzieny pratakoł. Jaho, vierahodna, aštrafujuć.

Pahonia — staražytny biełaruski hieraldyčny simvał. Ujaŭlaje saboj vyjavu ŭzbrojenaha vieršnika na kani. Z XIV da XVIII stahodździa Pahonia była hierbam Vialikaha kniastva Litoŭskaha. Paśla akupacyi biełaruskich ziemlaŭ Rasijskaj impieryjaj Pahonia była hierbam Vilenskaj, Viciebskaj, Hrodzienskaj i Mahiloŭskaj hubierniaŭ. Pahonia była vyjaŭlenaja i na hierbie Dziśnienskaha pavieta, kudy ŭvachodzili terytoryi sučasnych Hłybockaha, Miorskaha, Pastaŭskaha, Šarkoŭščynskaha rajonaŭ.

Padčas aktyvizacyi nacyjanalnych ruchaŭ u pačatku XX stahodździa Pahonia (u roznych varyjantach adlustravańnia) stała hierbam Biełarusi i Litvy. U 1918 hodzie Pahonia ŭžyvałasia jak hierb Biełaruskaj Narodnaj Respubliki, u 1991–1995 — Respubliki Biełaruś. U 2009 hodzie ŭkazam prezidenta Pahonia była zaćvierdžanaja jak hierb Viciebskaj vobłaści. Pahoniu prymajuć jak svoj simvał usie, chto padzialaje idei svabodnaj, niezaležnaj Biełarusi, niezaležna ad svaich palityčnych pohladaŭ.

Kamientary32

Voś čamu ŭ Kitai mohuć prysłuchoŭvacca da Polščy6

Voś čamu ŭ Kitai mohuć prysłuchoŭvacca da Polščy

Usie naviny →
Usie naviny

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

Ziamla ŭvajšła ŭ mieteorny patok Piersieidaŭ. Dzie i kali pabačyć hetu nieziamnuju pryhažość?

Pres-sakratar polskaha MZS pra adnosiny ź Biełaruśsiu: Čakajem pieršaha realnaha kroku ź biełaruskaha boku8

U minskim parku Čaluskincaŭ zabaranili jeździć na šerynhavych elektrasamakatach

Čarha z aŭtobusaŭ pierad pierachodam «Kamienny Łoh» rassmaktałasia2

Stała viadoma, kudy ŭładkavaŭsia były hiendyrektar MTS Uładzisłaŭ Andrejčanka6

Straty rasijskaj armii ŭ 2024-m značna vyraśli. Pamiraje 200-250 bajcoŭ za dzień16

U Bajdena dyjahnastavali karanavirus1

788 ukrainskich vajskoŭcaŭ źnikli bieź viestak u bajach za siało Krynki Chiersonskaj vobłaści6

bolš čytanych navin
bolš łajkanych navin

Voś čamu ŭ Kitai mohuć prysłuchoŭvacca da Polščy6

Voś čamu ŭ Kitai mohuć prysłuchoŭvacca da Polščy

Hałoŭnaje
Usie naviny →