Pra heta paviedamiŭ telekanał STV.
Alena Pielipas ź niadaŭniaha času nie vychodzić na vulicu: jana stała paźbiahać ludziej i chavacca ad soniečnaha śviatła. Reč u tym, što na majskija śviaty jana vyrašyła pajechać adpačyć u Turcyju, dzie sonca. «Pakolki ŭ mianie biełaja skura, kab nie zhareć, ja vyrašyła schadzić u Minsku ŭ salaryj. Siabroŭki paraili», — kaža Alena.
«Ja papiaredziła administratara, što ja pieršy raz, paprasiła pakazać, što i jak.
Ja chacieła zahareć adrazu, chutka, času niama. Samalot, vylet, i ja zamoviła adrazu 15 chvilin salaryja»,-- śćviardžaje Alena.
Ružovaja mara Aleny stać karyčnievaj znajšła chutki vodhuk u supracoŭnicy salaryja. Apošniaja adpraviła dziaŭčynu na čverć hadziny łaščycca pad pramianiami štučnaha sonca, nie dumajučy pra nastupstvy.
Alena Fiłatava, administratar salaryja, zaznačaje, što kali klijent prychodzić u salaryj pieršy raz, maksimum možna paraić 3-4 chviliny dla taho, kab pahladzieć, jak dziejničaje salaryj na skuru.Kali klijent choča ŭziać kolkaść času bolš za 10, 12 chvilin - administratar moža nie puskać.
U vypadku z Alenaj norma ultrafijaletavaha apramianieńnia była pieravyšana ŭ 5 razoŭ! Supracoŭnica salaryja nie pacikaviłasia ŭ dziaŭčyny ni stanam jaje zdaroŭja, ni typam skury. A bo ŭ soniečnym inkubatary nie kožnamu dadziena pracavać ...
Cikava, što ŭ jakaści kampiensacyi dyrektar salaryja prapanavała mnie abaniemient na 30 chvilin u salaryj...
Aproč taho Alena zhubiła 7 miljonaŭ rubloŭ, vykładzienych za pucioŭku ŭ Turcyi, ad jaje pryjšłosia admovicca.
Kamientary