Apieratyŭnikami Lidskaha RAUS zatrymany miascovy žychar 1989 hoda naradžeńnia, jaki nidzie nie pracuje. Jon padazrajecca ŭ šerahu rabavańniaŭ, učynienych za niekalki apošnich tydniaŭ.
Jak paviedamili va UUS Hrodzienskaha abłvykankama, va ŭsich vypadkach (viadoma ab čatyroch) złačyniec ŭ jakaści achviar vybiraŭ dziaŭčat, u jakich adbiraŭ hrošy i kaštoŭnyja rečy. Jon prystavaŭ da dziaŭčat, a apošniuju ledź nie zhvałtavaŭ.
Pavodle słoŭ načalnika adździeła kryminalnaha vyšuku Lidskaha RAUS Dźmitryja Ulaški, asoba padazravanaha ŭ milicyi viadomaja daŭno.U minułym małady čałaviek sudzimy za ŭčynieńnie kradziažoŭ (kraŭ u asnoŭnym pakinutyja biez dohladu asabistyja rečy ŭ kabinietach arhanizacyj), machlarstva i zhvałtavańnie, jakoje ŭčyniŭ u 2008 hodzie. Vyzvaliŭšysia ŭ pačatku sakavika hetaha hoda, jon paśpieŭ učynić niekalki rabavańniaŭ.
Va ŭsich vypadkach złačynca dziejničaŭ adnolkava — adnoj rukoj abdymaŭ achviaru za taliju, a druhoj zakryvaŭ rot, paśla čaho nie tolki patrabavaŭ kaštoŭnaści, ale i prystavaŭ da dziaŭčat.Ciapier vyrašajecca pytańnie ab raspačynańni kryminalnaj spravy pa fakcie rabavańniaŭ, a taksama za zamach na zhvałtavańnie. Svaju vinu va ŭčynienym zatrymany pryznaje.
Łukašenka ŭpieršyniu źjaviŭsia na publicy razam z mamaj Koli12
Kamientary