Viciabčuk zatrymany za «zaviedama łžyvaje paviedamleńnie» pra supracoŭnikaŭ DAI
Jon prasiŭ pryciahnuć DAIšnikaŭ da administracyjnaj adkaznaści.
Viciabčuk Piatro Ivanoŭ 12 krasavika zatrymany za «zaviedama łžyvaje paviedamleńnie» prosta va ŭpraŭleńni ŭnutranych spraŭ Viciebskaha abłvykankama.Pra heta paviedamiŭ pravaabaronca Leanid Śviecik.
Raniej Ivanoŭ źviartaŭsia ŭ abłasnoje ŭpraŭleńnie Dziaržaŭtainśpiekcyi z prośbaj pryciahnuć da administracyjnaj adkaznaści supracoŭnikaŭ DAI, jakija, pavodle jaho mierkavańnia, 16 lutaha hetaha hoda parušyli praviły darožnaha ruchu padčas zatrymańnia aktyvistaŭ arhkamiteta pa stvareńni partyi Biełaruskaja chryścijanskaja demakratyja (BCHD) Alaksieja Kiščuka i Stanisłava Łaŭrenava.Členy BCHD u toj dzień byli zatrymanyja ŭ centry Viciebska, dzie jany stajali z płakatam «Svabodu!».
Pavodle słoŭ pravaabaroncy, 12 krasavika apoŭdni Ivanoŭ źjaviŭsia ŭ abłvykankam, dzie ŭ jakaści śviedki zatrymańnia davaŭ tłumačeńni načalniku mižrajonnaha adździeła DAI Viciebska pry UUS Viciebskaha abłvykankama pałkoŭniku Alaksandru Ściapanavu. Za prośbu pryciahnuć da adkaznaści supracoŭnikaŭ DAI, jakija parušyli, pavodle jaho mierkavańnia, praviły darožnaha ruchu, na Ivanova byŭ składzieny administracyjny pratakoł pa artykule 17.6 KoAP (zaviedama łžyvaje paviedamleńnie).
«Paśla hetaha Ivanova pavieźli da suda Pieršamajskaha rajona, ale tam litaralna na parozie raźviarnulisia i pavieźli nazad va UDAI abłvykankama, jak jon paviedamiŭ, dla składańnia jašče adnaho pratakoła, ale nie ŭdakładniŭ jakoha», —skazaŭ Śviecik, dadaŭšy, što ciapier suviazi z aktyvistam niama.
Pravaabaronca nie vyklučaje, što pravaachoŭniki naŭmysna čakajuć zaviaršeńnia pracoŭnaha dnia ŭ sudzie, kab źmiaścić Ivanova za kraty da paniadziełka.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki33
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary